PM Kusum Yojana Updates: पंतप्रधान कुसुम योजनेअंतर्गत शेतकऱ्यांना अनुदानित सौर पंप दिले जातात. २०१९ मध्ये सुरू करण्यात आलेली ही योजना केवळ सौरऊर्जेपुरती मर्यादित नाही तर शेतकऱ्यांना ऊर्जा ग्राहकांपासून ऊर्जा उत्पादक बनवून भारतीय शेतीची अर्थव्यवस्था बदलण्याचा हा एक प्रयत्न आहे. शेतीमधील डिझेल पंपाच्या तुलनेत सौर पंप बसवणे आर्थिकदृष्ट्या शेतकऱ्यांसाठी फायदेशीर असल्याचे तज्ज्ञांचे म्हणणे आहे..पंतप्रधान कुसुम योजनेचे फायदे, तोटे काय आहेत? याबाबत 'डाऊन टू अर्थ'ने दिलेल्या वृत्तानुसार, अनेक दशकांपासून भारतातील शेती वीज व्यवस्था ही आर्थिकदृष्ट्या तोट्याची ठरली. राज्य सरकारांकडून शेतकऱ्यांना मोफत अथवा मोठ्या अनुदानावर वीज पुरवली जात असली, तरी यामुळे भूजलाचा अतिवापर वाढला आणि वीज वितरण कंपन्यांवर मोठा आर्थिक ताण येऊन त्या दिवाळखोरीत गेल्याचे दिसून आले. .त्यात, शेतीमधील लाखो डिझेल पंप कार्बन उत्सर्जन करतात आणि ग्रामीण भागातील लोकांच्या उत्पन्नावरही याचा परिणाम होतो. कारण वाढत्या इंधन खर्चामुळे शेतीचा खर्चही वाढतो. पण सौर पंप योजनेमुळे नियमितपणे वीज पुरवठा होऊन शेतकऱ्यांना दिलासा मिळू शकतो. .PM-KUSUM Scheme : पीएम कुसुम योजनेंतर्गत शेतजमिनीवर सौर प्रकल्पात महाराष्ट्राची पिछाडी; तर सौर कृषीपंप, ग्रीड जोडणीत आघाडी.या योजनेअंतर्गत एकूण खर्चापैकी ६० टक्के अनुदान केंद्र आणि राज्य सरकारांकडून देण्यात येते. तर ३० टक्के रक्कम संस्थात्मक कर्जाच्या स्वरूपात उपलब्ध करुन दिली जाते. तर उर्वरित १० टक्के खर्च शेतकऱ्यांनी उचलायचा असतो. यामुळे यात शेतकऱ्यांचा थेट सहभाग आणि त्याची मालकीही सुनिश्चित होते..PM Kusum yojana : 'पीएम कुसुम' योजनेत महाराष्ट्र अव्वल, ९० टक्के अनुदान देणारी योजना जाणून घ्या.भूजल उपसा अधिक प्रमाणात होऊ शकतोअधिक मिळालेल्या माहितीनुसार, या योजनेअंतर्गत ९ लाखांहून स्वतंत्र सौर पंप बसवण्यात आले आहेत. सौर पंपांमुळे शेतकऱ्यांना दिवसा शेतपिकांना पाणी देणे शक्य झाले आहे. यामुळे शेतकऱ्यांना रात्रीच्या अनियमित वीजपुरवठ्यावर आता अवलंबून राहणे कमी होईल. पण दुसरीकडे, नियमित वीजमुळे भूजल उपसा अधिक प्रमाणात होण्याची शक्यता आहे..पीएम कुसूम योजनेनुसार, शेतकऱ्याने १० टक्के रक्कम भरल्यानंतर सिंचनासाठी लागणारा संपूर्ण संच दिला जातो. पण जे लहान शेतकरी आहेत आणि ज्यांच्याकडे जमिनीचा मालकी हक्क नाही. तसेच जे शेतकरी खंडाने शेती करतात, त्यांच्यासाठी हा सुरुवातीचा खर्चही फार जास्त होऊ शकतो. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
