केंद्राने एकाच कुटुंबातील दोघांनी पीएम किसान योजनेचा लाभ घेतलेल्या लाभार्थ्यांची यादी तयार केली आहेया यादीत ३१ लाखांहून अधिक लाभार्थ्यांची नावे आहेत जिथे पती-पत्नी अशा दोघांनाही एकाच वेळी या योजनेचा लाभ घेतल्याचे निष्पन्नअशा लाभार्थ्यांची नावे यादीतून वगळण्यास सांगितले .PM Kisan Yojana: शेतकऱ्यांना पंतप्रधान किसान सन्मान निधी योजनेच्या २१ व्या हप्त्याची प्रतीक्षा लागली आहे. याचदरम्यान एक मोठी बातमी समोर आली आहे. केंद्र सरकारने एकाच कुटुंबातील दोघांनी या योजनेचा लाभ घेतलेल्या लाभार्थ्यांची यादी तयार केली आहे. एका रिपोर्टनुसार, या यादीत ३१ लाखांहून अधिक लाभार्थ्यांची नावे आहेत. जिथे पती-पत्नी अशा दोघांनाही एकाच वेळी या योजनेचा लाभ घेतला असल्याचे आढळून आले आहे. ज्यांच्याकडे जमीन आहे; अशा कुटुंबातील केवळ एकाच सदस्याला या योजनेचा लाभ घेता येतो. .कृषी मंत्रालयाने केलेल्या छाननी दरम्यान अशी प्रकरणे आढळून आली आहेत. त्यानंतर मंत्रालयाने राज्ये आणि केंद्रशासित प्रदेशांना पीएम किसान योजनेचा २१ वा हप्ता जारी करण्यापूर्वी १५ ऑक्टोबरपर्यंत पडताळणीचे काम हाती घ्यावे आणि अशा लाभार्थ्यांना यादीतून वगळण्यास सांगितले आहे..PM Kisan 21st Installment: शेतकऱ्यांनो लक्ष द्या! या गोष्टी न केल्यास पीएम किसानचा २१ वा हप्ता मिळणार नाही.एकूण ३१ लाखांपैकी सुमारे १९ लाख लाभार्थ्यांची पडताळणी पूर्ण झाली आहे. ज्यात जवळपास ९४ टक्के लाभार्थी हे पती-पत्नी असल्याचे आढळून आले आहे..पंतप्रधान किसान सन्मान निधी योजनेच्या मार्गदर्शक तत्त्वांनुसार, जर एखाद्या कुटुंबात पती, पत्नी आणि अल्पवयीन मुले आहेत तर त्यापैकी केवळ एकालाच या योजनेअंतर्गत ६ हजार रुपये मिळतात..PM Kisan 21st Installment: जम्मू-काश्मीरमधील शेतकऱ्यांच्या खात्यात जमा झाले २ हजार, महाराष्ट्रातील पूरग्रस्त शेतकऱ्यांना कधी मिळणार २१ वा हप्ता?.केंद्र सरकारच्या पडताळीत असेही दिसून आले आहे की, पीएम किसानचा लाभ सुमारे १.७६ लाख अल्पवयीन मुलांना मिळत आहे. तसेच, ३३.३४ लाख अशी प्रकरणे आढळून आल आहेत; जिथे जमिनीच्या आधीच्या मालकाची माहिती चुकीची अथवा माहितीच अस्तित्वात नाही..नियमांनुसार, १ फेब्रुवारी २०१९ नंतर ज्या शेतकऱ्यांच्या नावावर जमीन हस्तांतरित झाली आहे; त्यांना जमिनीच्या आधीच्या मालकाची माहिती देणे बंधनकारक आहे. कारण त्याच जमिनीच्या आधीच्या मालकालाही या योजनेचा लाभ मिळत आहे. अशी ८.११ लाख प्रकरणे आढळून आली आहेत..२१ वा हप्ता कधी मिळणार?हिमाचल प्रदेश, पंजाब, उत्तराखंड आणि जम्मू आणि काश्मीरमधील शेतकऱ्यांच्या बँक खात्यात २ हजार रुपयांचा हप्ता आधीच जमा करण्यात आला आहे. उर्वरित शेतकऱ्यांसाठी दिवाळीपूर्वी २१ वा हप्ता जारी केला जाईल, अशी शक्यता व्यक्त करण्यात आली होती. पण, सध्याची परिस्थिती पाहता शेतकऱ्यांना नोव्हेंबरपर्यंत वाट पाहावी लागू शकते..या योजनेअंतर्गत, दर चार महिन्यांनी तीन समान हप्त्यांत एकूण ६ हजार रुपयांची आर्थिक मदत शेतकऱ्यांच्या बँक खात्यात हस्तांतरित केली जाते. फेब्रुवारी २०१९ मध्ये ही योजना सुरू करण्यात आली होती. तेव्हापासून आतापर्यंत सुमारे ९.७ कोटी शेतकऱ्यांना या योजनेचा २० हप्ते देण्यात आले आहेत. कृषी मंत्रालयाला यापूर्वी ३३ लाख प्रकरणे आढळून आली होती; जिथे जमीन मालकांची माहिती अवैध असल्याचे निष्पन्न झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
