देशातील कोट्यवधी शेतकऱ्यांना पीएम किसानच्या २१ व्या हप्त्याची प्रतीक्षा२० वा हप्ता २ ऑगस्ट रोजी वितरीत केला होतायावेळी काही शेतकऱ्यांना दोन हप्त्यांचे मिळून ४ हजार मिळण्याची शक्यता.PM Kisan Yojana 21st Installment: देशातील कोट्यवधी शेतकऱ्यांना पंतप्रधान किसान सन्मान निधीचा २१ वा हप्ता अद्याप मिळालेला नाही. आतापर्यंत या वर्षात फेब्रुवारी आणि ऑगस्टमध्ये हप्ते जारी केले होते. आता शेतकऱ्यांना पुढील हप्त्याची प्रतीक्षा लागली आहे. दिवाळी आधी अथवा बिहार विधानसभा निवडणुकीच्या आधी खात्यात २ हजार रुपये जमा होतील, अशी शक्यता व्यक्त करण्यात आली होती. पण आतापर्यंत हे पैसे शेतकऱ्यांना मिळालेले नाहीत..फेब्रुवारी २०१९ मध्ये ही योजना सुरु करण्यात आली होती. या योजनेतर्गंत पात्र शेतकऱ्यांना दरवर्षी ६ हजार रुपयांची आर्थिक मदत प्रत्येकी २ हजार रुपयांच्या तीन समान हप्त्यांमध्ये दिली जाते. हे पैसे थेट लाभ हस्तांतरण (DBT) यंत्रणेद्वारे लाभार्थ्यांच्या थेट बँक खात्यात जमा केले जातात..PM Kisan Update: कधी मिळणार पीएम किसानचा २१वा हप्ता....यावर्षी सरकारने १९ वा हप्ता फेब्रुवारी २०२५ मध्ये आणि २० वा हप्ता २ ऑगस्ट रोजी वितरीत केला होता. आता २१ वा हप्ता नोव्हेंबरच्या अखेरपर्यंत जारी केला जाण्याची शक्यता आहे. सध्या या योजनेतर्गंत सुमारे १० कोटी शेतकरी लाभार्थी म्हणून नोंदणीकृत आहेत. पण केवायसीअभावी आणि निकषांत न बसलेल्या लाभार्थ्यांना पीएम किसानचे पैसे पाठवलेले नाहीत. .एका वृत्तानुसार, ज्या शेतकऱ्यांना यामुळे २० वा हप्ता मिळालेला नाही, त्यांना आता २० वा आणि २१ वा हप्ता मिळून एकूण ४ हजार रुपये मिळण्याची शक्यता आहे. .PM Kisan Benefits: ‘पीएम किसान’चा दुहेरी लाभ रोखण्याच्या हालचाली.गेल्या वर्षी २०२४ मध्ये सरकारने पीएम किसानचे हप्ते निश्चित वेळेत जारी केले होते. १७ वा हप्ता १८ जून २०२४ रोजी आणि १८ वा हप्ता ५ ऑक्टोबर २०२४ रोजी वितरित केला होता. याचाच अर्थ दोन हप्ते चार महिन्यांहून कमी अंतराने दिले होते. पण २०२५ मधील हप्त्यांत खूप अंतर वाढले आहे. फेब्रुवारी ते ऑगस्टदरम्यान पाच महिन्यांचे अंतर राहिले. अद्याप २१ वा हप्ता मिळालेला नाही. .केंद्र सरकार बोगस आणि अपात्र लाभार्थ्यांची नावे यादीतून वगळण्यासाठी पडताळणी करत असल्याने २१ वा हप्ता जारी करण्यास विलंब झाला असल्याचे सुत्रांचे म्हणणे आहे. .१ फेब्रुवारी २०१९ नंतर जमिनीची मालकी मिळवलेले शेतकरी, एकाच कुटुंबातील एकापेक्षा जास्त लाभार्थी प्रकरणे (उदा. पती-पत्नी दोघेही, एक प्रौढ सदस्य आणि अल्पवयीन) आदींची पडताळणी पूर्ण होईपर्यंत त्यांचे पैसे तात्पुरते थांबवण्यात आले असल्याची माहिती पुढे आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
