PM-Kisan Samman Nidhi: देशभरातील कोट्यवधी शेतकरी पंतप्रधान किसान सन्मान निधी योजनेच्या २४ व्या हप्त्याची वाट पाहत आहेत. याआधी २० जून २०२६ रोजी २ हजार रुपयांचा २३ वा हप्ता वितरित करण्यात आला होता. कृषी विभागातील काही अधिकाऱ्यांच्या वक्तव्यांच्या आधारावर, २४ वा हप्ता ऑक्टोबरमध्ये मिळणार असल्याची शक्यता व्यक्त केली जात आहे. पण केंद्र सरकारकडून अद्याप अधिकृत तारीख जाहीर करण्यात आलेली नाही. .पंतप्रधान किसान सन्मान निधी योजनेअंतर्गत पात्र शेतकऱ्याच्या बँक खात्यांमध्ये थेट लाभ हस्तांतरण (डीबीटी) द्वारे आतापर्यंत २३ हप्त्यांमधून ४.४७ लाख कोटी रुपयांहून अधिक रक्कम हस्तांतरित करण्यात आली आहे. या योजनेसाठी केंद्र सरकारने २०२६-२७ ते २०३०-३१ या कालावधीसाठी ३ लाख १५ हजार ६१४ कोटी रुपयांची तरतूद केली आहे. या योजनेच्या सुरुवातीपासून महिला शेतकऱ्यांना १.०६ लाख कोटी रुपयांहून अधिक आर्थिक मदत देण्यात आली असल्याचे केंद्र सरकारकडून सांगण्यात आले आहे..PM Kisan Scheme: 'पीएम-किसान'मुळे शेतकऱ्यांना आर्थिक स्थैर्य; ९२ टक्के लाभार्थ्यांनी कृषी निविष्ठांसाठी केला खर्च, निती आयोगाच्या अभ्यासातून दावा .पीएम किसान योजनेअंतर्गत वर्षाला ६ हजार रुपयांची मदत देण्यात येत आहे. ही रक्कम प्रत्येकी २ हजार रुपयांच्या तीन समान हप्त्यांमध्ये लाभार्थी शेतकऱ्यांच्या थेट बँक खात्यात जमा केली जाते. साधारणपणे, सुमारे चार महिन्यांच्या अंतराने २ हजार रुपयांचा हप्ता वितरित केला जातो. पीएम किसान योजनेचा लाभ मिळत राहण्यासाठी ई-केवायसी प्रक्रिया पूर्ण करायला हवी. बँकेशी संबंधित माहितीही बरोबर असायला हवी..PM Kisan Yojana: पीएम किसान योजनेबाबत सरकारचा महत्त्वाचा निर्णय, शेतकऱ्यांसाठी ३.१५ लाख कोटींची तरतूद.घरबसल्या स्टेटस कसे पाहावे?त्यासाठी पीएम किसान वेबसाईटला भेट द्यावी.त्यावरील फार्मर्स कॉर्नरवर (Farmers Corner) जाऊन 'नो युअर स्टेटस' हा पर्याय निवडावा.त्यानंतर तुमचा नोंदणीकृत मोबाईल नंबर आणि कॅप्चा भरावा. मोबाईलवर आलेला ओटीपी नमूद केल्यानंतर हप्त्याशी संबंधित स्टेटस पाहायला मिळेल..पीएम किसान योजनेच्या २३ व्या हप्त्यापोटी ९.४४ कोटींहून अधिक शेतकऱ्यांच्या बँक खात्यात १८,८८० कोटी रुपये वितरित करण्यात आले होते. पंतप्रधान नरेंद्र मोदी यांनी पश्चिम बंगालमधील हुगली येथून हा हप्ता जारी केला होता. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
