PM Kisan Payment Status: खरीप हंगामातील शेतीचे कामे सुरु असल्याने देशातील कोट्यवधी शेतकऱ्यांना पंतप्रधान किसान सन्मान निधीच्या २३ व्या हप्त्याची प्रतीक्षा लागली आहे. पंतप्रधान मोदी यांनी १३ मार्च २०२६ रोजी २२ वा हप्ता वितरित केला होता. हा हप्ता वितरित करुन जवळपास तीन महिने झाले आहेत. पण सरकारकडून अद्याप पुढील हप्त्याचे वितरण कधी करणार? याची अधिकृत घोषणा केलेली नाही. पण जूनच्या अखेरीस अथवा जुलै महिन्यात हा हप्ता वितरित केला जाण्याची शक्यता आहे..पीएम किसान योजनेचा १७ वा हप्ता १८ जून २०२४ रोजी वितरित केला होता. हा पॅटर्न लक्षात घेता, २३ वा हप्ता १८ जून २०२६ रोजी जारी केला जाण्याची शक्यताही व्यक्त केली जात आहे. पीएम किसान योजनेअंतर्गत शेतकऱ्यांना दरवर्षी ६ हजार रुपयांची आर्थिक मदत दिली जाते. ही रक्कम प्रत्येकी २ हजार रुपयांच्या तीन समान हप्त्यांमध्ये थेट शेतकऱ्यांच्या बँक खात्यात जमा केली जाते..PM Kisan Scheme: ‘पीएम किसान’साठी ‘ॲग्रीस्टॅक’ बंधनकारक .सरकारने या योजनेचा लाभ घेण्यासाठी ई-केवायसी प्रक्रिया बंधनकारक केली आहे. ज्यांनी अद्याप ई-केवायसी केलेली नाही; त्यांना पुढील हप्ता मिळण्यास विलंब होऊ शकतो. लाभार्थी शेतकरी पीएम किसान मोबाईल ॲपमध्ये जाऊन ओटीपी आधारित ई-केवायसी अथवा फेस ऑथेंटिकेशनच्या माध्यमातून ही प्रक्रिया पूर्ण करू शकतात..PM Kisan Samman Nidhi: ‘शेतकरी सन्मान निधी’ची ई-केवायसी ३० जूनपूर्वी पूर्ण करा.पीएम किसान योजना: e-KYC प्रक्रिया कशी करावी?पीएम किसानच्या https://pmkisan.gov.in/ या अधिकृत वेबसाइटला भेट द्यावीई-केवायसी पर्यायावर क्लिक करावेत्यावर तुमचा आधार नंबर नमूद करात्यानंतर नोंदणीकृत मोबाईल नंबरवर ओटीपी येईलओटीपी सबमिट केल्यानंतर e-KYC पूर्ण होईल.तसेच फार्मर कॉर्नरवर जाऊन लाभार्थी स्टेटस पाहता येते. त्यासाठी पीएम किसानच्या वेबसाईटवरील लाभार्थी स्टेटस पर्यायावर क्लिक करावे. तिथे नोंदणीकृत नंबर आणि कॅप्चा कोड नमूद करावा, त्यानंतर मोबाईल नंबर आलेला ओटीपी भरल्यानंतर पेमेंट आणि अर्जाची माहिती तुम्हाला मिळेल. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
