PM Kisan 21st Installment date: पंतप्रधान किसान सन्मान निधी योजनेचा २१ वा हप्ता दिवाळीत मिळणार की त्यानंतर येईल? याची प्रतीक्षा देशातील कोट्यवधी शेतकऱ्यांना लागली आहे. नुकतीच पंतप्रधान नरेंद्र मोदी यांनी देशातील शेतकऱ्यांना पंतप्रधान धन धान्य कृषी योजना आणि कडधान्ये मिशन या दोन योजनांची भेट दिली. आता पीएम किसानचा २ हजार रुपयांचा हप्ता बँक खात्यात कधी जमा होणार? याकडे शेतकऱ्यांचे लक्ष लागले आहे. .केंद्रीय कृषिमंत्री शिवराज सिंह चौहान यांनी २६ सप्टेंबर रोजी पंजाब, हरियाणा आणि हिमाचल प्रदेशातील पूरग्रस्त शेतकऱ्यांसाठी पीएम किसानचा २१ वा हप्ता जारी केला. या तीन राज्यांत पूर आणि भूस्खलनामुळे मोठे नुकसान झाले आहे. या पार्श्वभूमीवर २१ व्या हप्त्याची रक्कम येथील शेतकऱ्यांना आगाऊ स्वरुपात वितरीत करण्यात आली. तर ७ ऑक्टोबर रोजी जम्मू आणि काश्मीरच्या शेतकऱ्यांसाठी २१ वा हप्ता जारी करण्यात आला..PM Kisan Yojana : पीएम किसान निधीच्या २१ व्या हप्त्यापूर्वी ३१ लाख शेतकऱ्यांची नावे वगळली?; केंद्राचे मोठे पाऊल.PM किसान योजनेविषयी...फेब्रुवारी २०१९ मध्ये ही योजना सुरू करण्यात आली. या योजनेतर्गंत पात्र लाभार्थी शेतकऱ्यांना दरवर्षी ६ हजार रुपये प्रत्येकी २ हजार रुपयांच्या तीन समान हप्त्यांमध्ये दिले जातात. थेट लाभार्थी हस्तांतरण (DBT) द्वारे, पैसे थेट शेतकऱ्यांच्या बँक खात्यात पाठवले जातात. छोट्या आणि सीमांत शेतकऱ्यांना शेतीसाठी येणारा खर्च आणि पीक हंगामादरम्यान त्यांच्या उदरनिर्वाहासाठी आर्थिक हातभार लावण्याचा या योजनेचा उद्देश आहे.पीएम किसानचा २० वा हप्ता ऑगस्टमध्ये देण्यात आला होता. जो ८.५ कोटींहून अधिक शेतकऱ्यांच्या खात्यात थेट जमा केला होता..PM Kisan 21st Installment: शेतकऱ्यांनो लक्ष द्या! या गोष्टी न केल्यास पीएम किसानचा २१ वा हप्ता मिळणार नाही.दिवाळीपूर्वी पीएम किसानचा २१वा हप्ता मिळेल का?पीएम किसानचा २१ चा हप्ता कधी मिळेल? याबाबत सरकारकडून अद्याप अधिकृतपणे काही सांगण्यात आलेले नाही. पण सणासुदीत शेतकऱ्यांना दिलासा देण्यासाठी दिवाळीत २१ वा हप्ता जमा केला जाण्याची शक्यता आहे..'पीएम किसान'साठी ई-केवायसी (eKYC for PM Kisan)पीएम किसान योजनेच्या नोंदणीकृत शेतकऱ्यांना ई-केवायसी करणे बंधनकारक आहे. ओटीपीच्या आधारे पीएम किसान पोर्टलवर ही प्रक्रिया करता येते. तर बायोमेट्रिक माध्यमातून ई-केवायसी करण्यासाठी जवळच्या सामान्य सेवा केंद्रांत जावे लागेल..शेतकऱ्यांनी त्यांचे लाभार्थी स्टेटस कसे तपासावे? जाणून घ्या स्टेप बाय स्टेप प्रक्रियास्टेप १: अधिकृत पीएम किसान वेबसाइटवर भेट द्यावी लागेलस्टेप २: लाभार्थी स्टेटस पृष्ठावर जास्टेप ३ : लाभार्थी स्टेटसवर क्लिक करास्टेप ४: तुमचा आधार क्रमांक अथवा खाते क्रमांक नमूद करास्टेप ५ : 'गेट डाटा'वर क्लिक करास्टेप ६: तुमचे स्टेटस पाहास्टेप ७ : पेमेंट स्टेट्स तपासात्यानंतर तुमचे लाभार्थी स्टेटस स्क्रीनवर दिसेल..फेस-ऑथेंटिकेशनच्या माध्यमातून ई-केवायसी कसे करावे?शेतकरी त्यांच्या मोबाईलवरुनदेखील eKYC प्रक्रिया करू शकतातगुगल प्ले स्टोअरवरून पीएम किसान मोबाईल अॅप आणि आधार फेस आरडी अॅप डाउनलोड करुन घ्यावे लागेलया अॅपवर तुमच्या पीएम किसान नोंदणीकृत मोबाइल नंबरद्वारे लॉगिन करावेलाभार्थी स्टेटस पृष्ठावर जाजर ई-केवायसी स्टेटस No असेल, तर eKYC वर क्लिक करात्यावर तुमचा आधार क्रमांक नमूद करा आणि तुमचा चेहरा स्कॅन करण्यास संमती द्यात्यानंतर eKYC पूर्ण होईल.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
