देशातील कोट्यवधी शेतकऱ्यांना पंतप्रधान किसान सन्मान निधी योजनेच्या २१ व्या हप्त्याची प्रतीक्षाबिहार विधानसभा निवडणुकीच्या पहिल्या टप्प्यातील मतदानापूर्वी पुढील हप्ता जारी केला जाऊ शकतोई-केवायसीविना या योजनेचे पैसे मिळणार नाहीत.PM Kisan 21st installment: देशातील कोट्यवधी शेतकरी पंतप्रधान किसान सन्मान निधी योजनेच्या २१ व्या हप्त्याची प्रतीक्षा करत आहेत. पंतप्रधान नरेंद्र मोदी या आठवड्यात वाराणसी दौऱ्यावर आहेत. या दौऱ्यादरम्यान ते शेतकऱ्यांच्या खात्यात २ हजार रुपये वितरीत करु शकतात, अशी शक्यता व्यक्त केली जात आहे..यापूर्वी, पंतप्रधानांनी पीएम किसान योजनेचा २० वा हप्ता लाभार्थ्यांच्या खात्यात हस्तांतरित केला होता. २ ऑगस्ट २०२५ रोजी, वाराणसी येथून त्यांनी थेट लाभार्थी हस्तांतरण अर्थात डीबीटीद्वारे देशभरातील ९.७१ कोटींहून अधिक शेतकऱ्यांसाठी २०,८४३ कोटी रुपयांहून अधिक रक्कम हस्तांतरित केली होती..PM Kisan Yojana : जमिनीचा हक्क नसलेल्या शेतकऱ्यांनाही मिळणार पीएम किसान योजनेचा लाभ, लवकरच मिळणार हप्ता.६ नोव्हेंबर रोजी होणाऱ्या बिहार विधानसभा निवडणुकीच्या पहिल्या टप्प्यातील मतदानापूर्वी मोदी पुढील हप्ता जारी करतील, अशी शक्यता अधिक आहे. या योजनेअंतर्गत, शेतकऱ्यांना दरवर्षी ६ हजार रुपयांची आर्थिक मदत दिली जाते. प्रत्येकी २ हजारांच्या तीन हप्त्यांमध्ये ही रक्कम वितरीत केली जाते..PM Kisan Yojana : पीएम किसान निधीच्या २१ व्या हप्त्यापूर्वी ३१ लाख शेतकऱ्यांची नावे वगळली?; केंद्राचे मोठे पाऊल.काही वृत्तांनुसार, केंद्र सरकारकडून नोव्हेंबरच्या पहिल्या आठवड्यात, ५ नोव्हेंबरपर्यंत २ हजार रुपयांचा हप्ता शेतकऱ्यांच्या खात्यात हस्तांतरित केला जाऊ शकतो. जर असे झाले तर, २१ व्या हप्त्याची वाट पाहणाऱ्या शेतकऱ्यांसाठी मोठा दिलासा ठरेल..यावेळी, या योजनेचे पैसे वितरित करत असताना एक मोठा बदल दिसून आला. पंजाब, हिमाचल प्रदेश आणि उत्तराखंडमधील सुमारे २७ लाख शेतकऱ्यांना २ हजार रुपयांचा हप्ता आगाऊ स्वरुपात देण्यात आला. या राज्यांमध्ये पुरामुळे शेतकऱ्यांचे मोठे नुकसान झाले. या नुकसानीच्या पार्श्वभूमीवर, केंद्र सरकारने शेतकऱ्यांच्या मदतीसाठी ही रक्कम जारी केली होती. आता, इतर राज्यांमधील शेतकरी २१ व्या हप्त्याची वाट पाहात आहेत..कोणत्या शेतकऱ्यांच्या खात्यात येणार नाहीत पैसे?ई-केवायसी (e-KYC) न करणे: सरकारने स्पष्ट केले आहे की ई-केवायसीविना या योजनेचे पैसे मिळणार नाहीत.आधार लिंकिंग: तुम्ही तुमचे बँक खाते आधारशी लिंक केलेले नसणे.चुकीची बँक माहिती: आयएफएससी कोड चुकीचा देणे, बंद बँक खाते अथवा अर्जाच्या वेळी चुकीची माहिती नमूद करणे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
