Pineapple Prices Crash Kerala News Updates: गेल्या काही दिवसांपासून भाव घसरल्याने केरळमधील अननस उत्पादक शेतकऱ्यांना मोठा आर्थिक फटका बसला आहे. एका महिन्यापूर्वी शेतकऱ्यांना त्यांच्या अननस पिकासाठी प्रति किलो सुमारे ६० रुपये भाव मिळाला होता. पण सध्या भाव आता घसरून प्रति किलो ३० ते ३३ रुपयांपर्यंत खाली आला आहे. यामुळे शेतकऱ्यांना उत्पादन खर्चही भरून निघणे कठीण झाले आहे. .अननसचा मोठ्या प्रमाणात म्हणजेच अर्ध्या ट्रक अथवा त्याहून अधिक पुरवठा केल्यानंतरच शेतकऱ्यांना प्रति किलो ३० रुपयांपर्यंत भाव मिळत आहे. हा भाव पूर्ण पिकलेल्या फळांनाच दिला जात आहे. तर जी फळे पिकलेली नाहीत, अशांना ३० रुपयांहून कमी भाव मिळत असल्याचे दिसून आले आहे..सध्याचा बाजारभाव पाहता अननस पिकाच्या लागवडीचा खर्च अनेक उत्पादक शेतकऱ्यांना परवडणारा नाही. शेतकऱ्यांनी दिलेल्या माहितीनुसार, या पिकाचा काढणीपर्यंत उत्पादन खर्च प्रति एकर ४ लाख रुपयांपर्यंत जाऊ शकतो. हा खर्च भरून निघण्यासाठी किमान प्रति किलो ५० रुपयांचा दर मिळणे गरजेचे आहे. पण सध्याचा बाजारातील भाव उत्पादक शेतकऱ्यांसाठी अत्यंत तोट्याचा ठरत आहे..Health Benefits Of Pineapple: रोज सकाळी अननसचा ज्यूस पिण्याचे ७ आश्चर्यकारक फायदे.अनेक छोटे शेतकरी पीक लागवडीसाठी जमिनी भाडेतत्त्वावर घेतात. या पार्श्वभूमीवर सध्या अननसला जो भाव मिळत आहे; त्यातून मजुरीचा खर्चही भरून निघत नसल्याचे शेतकऱ्यांचे म्हणणे आहे. .केरळच्या पठन्नमथिट्टा जिल्ह्यात कल्लेली आणि चेंगारा या भागात अननसचे पीक मोठ्या प्रमाणात घेतले जाते. अथिरुमकल आणि मानकोड भागांतही या फळपिकाची अधिक प्रमाणात लागवड केली जाते. येथे रबर पिकासोबत अननस हे आंतरपीक म्हणून घेतले जाते..Watermelon Price Crash: खरेदीदारांकडून उठाव नसल्याने कलिंगड शेतात पडून.दरम्यान, सध्या पश्चिम आशियातील तणावाच्या परिस्थितीमुळे आखाती देशांत होणाऱ्या निर्यातीत मोठी घट झाली आहे. परिणामी मागणीतही घट झाली. याचा फटका शेतकऱ्यांसह स्थानिक व्यापाऱ्यांना बसला आहे. त्यामुळे भाव आणखी खाली घसरले आहेत. .केरळमधून कच्च्या अननसाचा दिल्ली आणि इतर शहरांत पुरवठा केला जातो. पण नुकत्याच झालेल्या अवकाळी मुसळधार पावसामुळे पुरवठा साखळी विस्कळीत झाली आहे. यामुळे शेतकऱ्यांच्या अडचणी आणखी वाढल्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
