Petrol Diesel Price Today: सर्वसामान्यांना पुन्हा एकदा महागाईचा झटका बसला आहे. कारण, तेल कंपन्यांनी पेट्रोल, डिझेलच्या दरात अवघ्या पाच दिवसांत दुसऱ्यांदा वाढ केली. पेट्रोल आणि डिझेल प्रति लिटर ९० पैशांनी महागले आहे. वाढत्या इंधन खर्चामुळे सर्वसामान्यांचे आर्थिक गणित कोलमडले आहे..या दरवाढीमुळे दिल्लीत पेट्रोलचा दर प्रति लिटर ९७.७७ रुपयांवरून ९८.६४ रुपयांवर पोहोचला आहे. तर डिझेलचा दर प्रति लिटर ९०.६७ रुपयांवरून ९१.५८ रुपये झाला आहे. गेल्या शुक्रवारी चार वर्षांत पहिल्यांदाच पेट्रोल आणि डिझेलच्या दरात प्रति लिटर ३ रुपयांची वाढ केली होती. यामागे आंतरराष्ट्रीय बाजारातील कच्च्या तेलाच्या वाढत्या दराचे कारण देण्यात आले होते. .Petrol Diesel: इंधन दरवाढीनंतर केंद्राचा 'पेट्रोल'बाबत आणखी एक मोठा निर्णय, निर्यातीवर कर लागू.दिल्लीत आता पेट्रोलची विक्री ८७ पैशांच्या वाढीसह प्रति लिटर ९८.६४ रुपयांनी होईल. तर डिझेल ९१ पैशांनी महागले असून, त्याचा दर प्रति लिटर ९१.५८ रुपयांवर पोहोचला आहे. मुंबईत पेट्रोलच्या दरात ९१ पैशांची वाढ झाली असून, त्याचा दर प्रति लिटर १०७.५९ रुपये झाला आहे. तर डिझेल ९४ पैशांनी महागले असून, त्याचा दर प्रति लिटर ९४.०८ रुपयांवर गेला आहे..Petrol Diesel Price Hike: पेट्रोल-डिझेल तीन रुपयांनी महागले.कोलकातामध्ये पेट्रोलच्या दरात सर्वाधिक ९६ पैशांची वाढ नोंदवली आहे. येथे पेट्रोलचा दर प्रति लिटर १०९.७० रुपये तर डिझेलचा दर ९४ पैशांच्या वाढीसह ९६.०७ रुपये झाला आहे. चेन्नईत पेट्रोलचा दर ८२ पैशांच्या वाढीसह १०४.४९ रुपये आणि डिझेल ८६ पैशांनी वाढून ९६.११ रुपयांवर पोहोचले..इराण विरुद्ध अमेरिका आणि इस्रायल यांच्यातील युद्धामुळे होर्मुझ सामुद्रधुनी मार्गावरील जहाज वाहतुकीत व्यत्यय निर्माण झाला आहे. परिणामी इंधन महागले आहे. भारत हा जगातील तिसरा सर्वात मोठा तेल आयातदार देश आहे. पण सध्याच्या युद्ध परिस्थितीमुळे पुरवठा साखळी विस्कळीत झाल्याने आठवडाभरात दुसऱ्यांदा भारतात इंधन दरवाढ करण्यात आली आहे. .आंतरराष्ट्रीय बाजारात तेलाच्या दराने प्रति बॅरल १२० डॉलर्सचा टप्पा पार केला. पण, त्यानंतर दरात किंचित नरमाई दिसून आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
