Pune News: पंतप्रधान राष्ट्रीय कृषी विकास योजनेमधील (आरकेव्हीवाय) प्रकल्पांसाठी राखीव ठेवलेले साडेतीनशे कोटी रुपये कृषी यांत्रिकीकरणाकडे वळविण्यात आले आहेत. त्यामुळे राज्यात यंत्रे व अवजारे खरेदी केलेल्या शेतकऱ्यांचे रखडलेले अनुदान मिळण्यास मदत होणार आहे. .‘आरकेव्हीवाय’ योजनेतून राज्याला दोन प्रकारे निधी मिळतो. पहिली प्रकार ‘वार्षिक कृती आराखडा’ (आरकेव्हीवाय-एएपी) असा, तर दुसरा प्रकार ‘सविस्तर प्रकल्पाधारित घटक’ (डीपीआर बेस्ड् कंपोनंटस्) आहे. यांत्रिकीकरणाला मुख्यत्वे वार्षिक कृती आराखड्यातून निधी मिळतो. परंतु, तो अपूर्ण आहे..Farmer Subsidy Delay: मंजुरीतील विलंबामुळे अनुदानात अडचणी.दुसऱ्या बाजूला मजूर टंचाईमुळे यांत्रिकीकरणातील योजनांमध्ये अनुदानासाठी अर्ज मागणीची संख्या अफाट प्रमाणात वाढते आहे. सूत्रांच्या म्हणण्यानुसार, प्रकल्पाधारित घटकामधून यांत्रिकीकरणालादेखील निधी दिला जातो. यापूर्वी २०२२ मध्ये २९१ कोटी ३७ लाख रुपये मंजूर करण्यात आले होते..तसेच, ‘आरकेव्हीवाय रफ्तार’ योजनेतून २०२२-२३ मध्ये दीडशे कोटीचा निधी देण्यास मान्यता दिली गेली होती. अलीकडेच राज्याच्या मुख्य सचिवांनी ‘आरकेव्हीवाय’च्या राज्यस्तरीय मान्यता समितीची बैठक घेतली. यात प्रकल्पाधारित घटकांमधून यांत्रिकीकरणातील २०२२ ते २०२६ पर्यंतच्या प्रस्तावांना निधी देण्यास मान्यता दिली गेली. त्यामुळेच चालू आर्थिक वर्ष संपण्याच्या आत साडेतीनशे कोटीचा निधी यांत्रिकीकरणातील अनुदान वाटपासाठी मिळाला आहे..Farmer Subsidy: थेट शेतकऱ्यांना अनुदान देण्याच्या हालचाली.दरम्यान, राज्य शासनाने निधी वळविण्यास मान्यता देताना कृषी विभागावर काही अटीदेखील टाकल्या आहेत. ‘मंजूर केलेला निधी केवळ यंत्रे व अवजारांच्या खरेदीवरील अनुदान वाटपासाठी वापरावा. मात्र, या निधीचा वापर ट्रॅक्टर खरेदीवरील अनुदान देण्यास करता येणार नाही, अशी मुख्य अट आहे. तसेच, निधीचे वाटप महाडीबीटीमधून करावे, प्रथम येईल त्यास प्रथम प्राधान्य या पद्धतीने शेतकरी निवडावेत, शेतकऱ्याचे स्थान व आधार क्रमांक प्रत्येक कागदपत्रामध्ये नमूद करावे. तसेच निधी वाटण्यासाठी कृषी आयुक्तांनी कार्यपद्धती निश्चित करावी, असे आदेश दिले आहेत..यंत्र, अवजारांचे ‘जिओ टॅगिंग’ सक्तीचेअनुदान वाटताना यंत्रे व अवजारांचे जिओ टॅगिंग (अक्षांश-रेखांशसह स्थान निश्चिती) करावे. तसेच, केंद्र शासनाच्या ‘कृषी मॅपर’ उपयोजन प्रणालीतदेखील अनुदानाची नोंद करा, असे क्षेत्रिय कृषी अधिकाऱ्यांना सांगण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
