Ausa News: शासनाने राज्यातील कृषी उत्पन्न बाजार समित्यांना पहिल्यांदाच शासनाच्या कृषीमाल हमीभाव खरेदी केंद्रांचे संचालन करण्यासाठी लागू असलेली दहा किलोमीटरची अट शिथिल केली आहे. या निर्णयामुळे शेतकऱ्यांना मोठा दिलासा मिळणार असून, बाजार समित्यांना स्वतःची हमीभाव केंद्र सुरू करणे सुलभ झाले आहे. राज्यात एकूण ३०६ कृषी उत्पन्न बाजार समित्या असून, या निर्णयाचा लाभ सर्व समित्यांना होणार आहे..सद्यस्थितीत राज्यात खरेदी-विक्री संघ तसेच शेतकऱ्यांनी स्थापन केलेल्या फार्मर प्रोड्युसर कंपन्यांमार्फत महाराष्ट्र राज्य कृषी पणन मंडळ, पुणे संचालित हमीभाव केंद्र चालवली जात होती..Agriculture MSP: हमीभावाची हवी कायदेशीर तरतूद.मात्र, अनेक ठिकाणी ही केंद्र शेतमाल काढणीच्या काळात वेळेवर सुरू न झाल्याने शेतकऱ्यांना आपला माल कमी दरात खुल्या बाजारात विकावा लागत होता. अनेकदा शेतकऱ्यांचा माल विकून झाल्यानंतरच हमीभाव केंद्र सुरू होत असल्याने त्याचा लाभ व्यापारी, साठेबाज व आर्थिकदृष्ट्या सक्षम शेतकऱ्यांनाच मिळत होता. यंदाही ही परिस्थिती फारशी बदललेली नव्हती..याशिवाय अनेक हमीभाव केंद्रांवर शेतमालाची प्रतवारी, ओलावा तपासणी व चाळणी प्रक्रियेत अनियमितता होत असल्याच्या तक्रारी होत्या. प्रति ५० किलो पोत्यामागे कचरा किंवा अडकनाच्या नावाखाली जादा वजन कपात केली जात असल्याने शेतकऱ्यांची मोठ्या प्रमाणावर पिळवणूक होत होती..MSP Procurement Monitoring: खरेदी केंद्रांच्या नियमित तपासणीसाठी पथके.ही बाब लक्षात घेऊन आमदार अभिमन्यू पवार यांनी दुसऱ्या हमीभाव केंद्रापासून दहा किलोमीटर अंतराची अट शिथिल करण्यासाठी सातत्याने पाठपुरावा केला. त्यांच्या प्रयत्नांना यश आल्याने आता कृषी उत्पन्न बाजार समित्यांना स्वतःची हमीभाव खरेदी केंद्रे सुरू करणे शक्य झाले आहे..या निर्णयामुळे भविष्यात शेतकऱ्यांची गैरसोय कमी होणार असून, बाजार समित्यांच्या गोदामांमध्ये विक्रीपूर्व शेतमाल साठवण्यासाठी सुरक्षित जागा उपलब्ध होणार आहे. तसेच अल्पदरात चाळणी, प्रतवारी व ओलावा तपासणीच्या सुविधा मिळणार आहेत..औसा बाजार समितीचे हमीभाव खरेदी केंद्र सोमवारपासून सुरू करण्यात आले असून, सुरवातीलाच २७२ शेतकऱ्यांनी ५ हजार ८८० क्विंटल शेतमाल विक्रीसाठी आणला. त्याची तीन कोटी १३ लाख २६ हजार रुपयांची रक्कम शेतकऱ्यांना अदा करण्यात आली. शेतमाल विक्रीसाठी समितीतर्फे सर्व सुविधा पुरविल्या जातील. जास्तीत जास्त शेतकऱ्यांनी याचा लाभ घ्यावा.चंद्रशेखर सोनवणे, सभापती, औसा बाजार समिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
