Nanded News: राज्याअंतर्गत अन्नधान्य, कडधान्य व गळीतधान्य पिकांच्या स्पर्धा रब्बी हंगाम २०२५ साठी आयोजित करण्यात आल्या आहेत. यात जास्तीत जास्त शेतकऱ्यांनी सहभाग घ्यावा, असे आवाहन जिल्हा अधीक्षक कृषी अधिकारी दत्तकुमार कळसाईत यांनी केले. .कृषी विभागामार्फत रब्बी हंगामासाठी पीकस्पर्धा योजना राबविण्यात येत आहे. रब्बी पिकात ज्वारी, गहू, हरभरा, करडई व जवस या पिकांचा समावेश आहे. स्पर्धेत भाग घेण्यासाठी शेतकऱ्याकडे स्वतःच्या नावे जमीन असणे व जमीन तो स्वतः कसत असणे आवश्यक आहे. .Crop Competition : खरीप पीक स्पर्धेत सहभागी व्हा; कृषी विभागाचे आवाहन.स्पर्धेत भाग घेणाऱ्या शेतकऱ्याला एकाच वेळी एकापेक्षा जास्त पिकासाठी स्पर्धेत भाग घेता येईल. पीकस्पर्धामध्ये सहभागी लाभार्थीच्या शेतावर त्या पिकाखाली किमान ४० आर क्षेत्रावर सलग लागवड असणे आवश्यक आहे. .Rabi Crop Competition: रब्बी हंगाम पीक स्पर्धेत सहभागाचे आवाहन.विहित नमुन्यातील अर्ज (प्रपत्र-अ) ठरवून दिलेले प्रवेश शुल्क भरल्याचे चलन, सात-बारा, ८-अ उतारा, जात प्रमाणपत्र (केवळ आदिवासी असल्यास) पीकस्पर्धेसाठी शेतकऱ्याने संबंधित सात-बारावरील घोषित केलेल्या क्षेत्राचा चिन्हांकित केलेला नकाशा. बँक खाते चेक, पासबुक पहिल्या पानाची छायांकित प्रत, पीकस्पर्धेची अर्ज दाखल करण्याची मुदत ज्वारी, गहू, हरभरा, करडई व जवस पिकासाठी ३१ डिसेंबर राहील..पीकनिहाय सर्वसाधारण गटासाठी रक्कम तीनशे रुपये व आदिवासी गटासाठी दीडशे रुपये राहील. पीकस्पर्धेत पहिले, दुसरे, तिसरे यानुसार तालुका पातळीवर अनुक्रमे पाच हजार, तीन हजार, दोन हजार त्याप्रमाणे जिल्हा पातळीवर अनुक्रमे १० हजार, ७ हजार, ५ हजार तर राज्य पातळीवर अनुक्रमे ५० हजार, ४० हजार, ३० हजार रुपये सर्वसाधारण व आदिवासी गटास बक्षीस स्वरूपात दिले जाणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
