'मनरेगा'चे नाव बदलण्यावरुन विरोधक आक्रमकसलग दुसऱ्या दिवशी संसदेच्या आवारात निदर्शनेआता, खरे काय ते बाहेर आले आहे, काँग्रेसचे म्हणणे.Parliament Winter Session 2025: महात्मा गांधी राष्ट्रीय ग्रामीण रोजगार हमी कायदा अर्थात 'मनरेगा'चे (MGNREGA) नाव बदलून विकसित भारत रोजगार आणि उपजिविका हमी (ग्रामीण) (VB–G RAM G) करण्यावरुन विरोधक आक्रमक झाले आहे. त्यांनी बुधवारी (दि.१७ डिसेंबर) सलग दुसऱ्या दिवशी संसदेच्या आवारात निदर्शने केली. व्हीबी जी राम जी विधेयक २०२५ लोकसभेत सादर करण्यात आले आहे. यावरून विशेषतः काँग्रेसने केंद्र सरकारवर जोरदार हल्लाबोल केला आहे. दरम्यान, आज विरोधी खासदारांनी संसद आवारात निदर्शने करत, भाजप सरकारने माफी मागावी, अशा घोषणा दिल्या..'मनरेगा'च्या नाव बदलण्यावरून काँग्रेसची देशभरात निदर्शने सुरु आहेत. आज, केंद्र सरकारचा विकसित भारत रोजगार आणि उपजिविका हमी (ग्रामीण) विधेयक मंजूर करण्याचा विचार आहे. याबाबत बोलताना काँग्रेसचे सरचिटणीस (संघटन) केसी वेणुगोपाल यांनी म्हटले आहे, "या प्रकरणी आमच्या पक्षाचे कार्यकर्ते निदर्शने करत आहेत. आता, खरे काय ते बाहेर आले आहे. निश्चितच, आम्ही या मुद्द्यावर रस्त्यावर उतरून आक्षेप नोंदवू.".Rural jobs Guarantee Scheme: ग्रामीण रोजगाराबाबत मोठा बदल; 'मनरेगा'च्या जागी आता नवीन कायदा, १२५ दिवसांच्या रोजगाराची हमी .हे विधेयक सादर करताना केंद्रीय ग्रामीण विकास मंत्री शिवराज सिंह चौहान म्हणाले, "मोदी सरकारने ग्रामीण विकासासाठी मागील सरकारांहून अधिक काम केले आहे. आम्ही महात्मा गांधींच्या तत्त्वांचे पालन करतो. आम्ही गावाचा परिपूर्ण विकास करू आणि शेती आणि मजूर यांच्यात समतोल राखण्यासाठी काम करू. हे संपूर्ण विधेयक गांधीजींच्या भावनांशी सुसंगत असे आहे. या माध्यमातून आम्ही रामराज्य स्थापन करु."व्हीबी- जी राम जी अंतर्गत ग्रामीण भागात १२५ दिवसांच्या रोजगाराची हमी दिली जाणार असल्याची तरतूद आहे. .MGNREGA Scheme: ‘मनरेगा’ ते ‘पूज्य बापू’ प्रवास!.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
