Crop Loss: पंतप्रधान पीकविमा योजनेअंतर्गत उत्पादनातील घट या जोखीम बाबीअंतर्गत खरिप हंगाम २०२५ मधील परभणी जिल्ह्यातील १७ प्रलंबित महसूल मंडलांतील सोयाबीन पीकविमा अदा करण्याचे आदेश छत्रपती संभाजीनगर विभागीय आयुक्त तथा विभागस्तरीय तक्रार निवारण समितीचे अध्यक्ष जी. श्रीकांत यांनी विमा कंपनीला दिले आहेत, अशी माहिती कृषी विभागाच्या सूत्रांनी दिली..पंतप्रधान पीकविमा योजनेअंतर्गत परभणी जिल्हास्तरीय तक्रार निवारण समितीच्या २२ मे २०२६ रोजी झालेल्या सुनावणीत सोयाबीन पीक कापणी प्रयोगातून प्राप्त झालेले प्रत्यक्ष उत्पादन हेच विमा परिगणनेसाठी ग्राह्य धरण्याचा निर्णय घेण्यात आला होता. या निर्णयाविरोधात भारतीय कृषी विमा कंपनीने विभागीय आयुक्त तथा विभागस्तरीय तक्रार निवारण समितीकडे अपील केले होते..Soybean Crop Insurance: परभणी जिल्ह्यात सोयाबीनचा ३७ कोटी ४५ लाख रुपये पीकविमा मंजूर.या प्रकरणाची सुनावणी मंगळवारी (ता. २१) विभागीय आयुक्त जी. श्रीकांत यांच्या दालनात झाली. यावेळी जिल्हाधिकारी तथा जिल्हास्तरीय तक्रार निवारण समितीचे अध्यक्ष संजयसिंह चव्हाण हे आभासी माध्यमातून सहभागी झाले. तसेच विभागीय कृषी सहसंचालक महेश तीर्थकर, प्रभारी जिल्हा अधीक्षक कृषी अधिकारी दौलत चव्हाण, तंत्र अधिकारी (सांख्यिकी) पूजा थिटे, शेतकरी प्रतिनिधी हेमचंद्र शिंदे आणि विमा कंपनीचे प्रतिनिधी उपस्थित होते..खरिप २०२५ मधील सोयाबीन पीकविमा परतावा परभणी जिल्ह्यातील ५२ पैकी २४ महसूल मंडळांसाठी मंजूर करण्यात आला असून, १२४ कोटी ९९ लाख १२ हजार ५२३ रुपयांची भरपाई वितरित करण्यात आली आहे. मात्र, १७ महसूल मंडळांतील पीकविमा प्रकरणे अद्याप प्रलंबित आहेत. तसेच प्रत्यक्ष उत्पादन उंबरठा उत्पादनापेक्षा अधिक आलेल्या ११ मंडळांमध्ये पीकविमा मंजूर झालेला नाही..Soybean Crop Insurance: सोयाबीनचा १२४ कोटी ९९ लाख रुपयांचा पीकविमा परतावा देय.मंगळवारी झालेल्या सुनावणीत जिल्ह्यातील प्रलंबित १७ मंडळांतील शेतकऱ्यांना पीक कापणी प्रयोगातील सोयाबीनचे सुकवून केलेल्या वजनानुसार (Dry Weight) पीकविमा अदा करण्याचे आदेश विभागीय आयुक्तांनी दिले असल्याची माहिती प्रभारी जिल्हा अधीक्षक कृषी अधिकारी दौलत चव्हाण यांनी दिली..परभणी जिल्ह्यातील खरीप २०२५ सोयाबीन पीकविमा स्थितीपीकविमा मंजूर झालेली मंडले (२४)दैठणा, बोरी, दूधगाव, आडगाव, बामणी, चारठाणा, सेलू, देऊळगाव गात, मानवत, कोल्हा, ताडबोरगाव, केकरजवळा, रामपुरी, पाथरी, बाभळगाव, हादगाव बुद्रुक, कासापुरी, गंगाखेड, पालम, रावराजूर, चाटोरी, बनवस, पूर्णा, ताडकळस..पीकविमा प्रलंबित मंडले (१७)परभणी ग्रामीण, परभणी शहर, जांब, पेडगाव, पिंगळी, सिंगणापूर, टाकळी कुंभकर्ण, झरी, सोनपेठ, आवलगाव, वडगाव, पिंपळदरी, राणीसावरगाव, पेठशिवणी, लिमला, चुडावा, कावलगाव.पीकविमा नामंजूर मंडले (११)जिंतूर, सावंगी म्हाळसा, वाघी धानोरा, वालूर, कुपटा, चिकलठाणा, मोरेगाव, शेळगाव, माखणी, महातपुरी, कात्नेश्वर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
