Parbhani News: परभणी व हिंगोली जिल्ह्यांत यंदाच्या (२०२५-२६) हरभऱ्याची सुगी सुरू झाली आहे. शेतशिवारात हरभरा काढणीची लगबग दिसू लागली आहे. हरभरा कापणी मजुरीच्या दरात गतवर्षीच्या (२०२४-२५) तुलनेत यंदा एकरी सरासरी १००० ते १५०० रुपयांनी वाढ झाली आहे. त्यामुळे यंदा कापणीचे दर एकरी ३ ते ५ हजार रुपयांपर्यंत आहेत. विविध कारणांनी उत्पादकतेत घट येत असल्याचेही चित्र आहे. त्यामुळे शेतकऱ्यांच्या अडचणी वाढल्या आहेत..रब्बी हंगामामध्ये (२०२५-२६) परभणी जिल्ह्यात हरभऱ्याचे सरासरी क्षेत्र १ लाख ३४ हजार ८४१ हेक्टर असताना १ लाख ८७ हजार ३६९ हेक्टरवर (१३८.९६ टक्के) पेरणी झाली. गतवर्षीच्या तुलनेत हरभऱ्याच्या पेरणीत २ हजार ७२९ हेक्टरने घट झाली..Chana Market: हरभरा वाढती आवक, आयतीमुळे दबावात.हिंगोली जिल्ह्यात हरभऱ्याचे सरासरी क्षेत्र १ लाख २१ हजार ६२ हेक्टर असताना यंदा प्रत्यक्षात १ लाख ५२ हजार ५२१ हेक्टर (१२५.९९ टक्के) पेरणी झाली. गतवर्षीच्या तुलनेत हरभऱ्याच्या पेरणीत ७ हजार २४८ हेक्टरने घट झाली. नोव्हेंबर महिन्यात पेरणी केलेल्या हरभरा पिकाची काढणी सुरू झाली आहे. यंदा या दोन जिल्ह्यांत हरभरा कापणीचे सध्या एकरी ३ ते ५ हजार रुपये दर आहेत..हरभरा कापणी सुरू झाल्यावर मजुरांचा तुटवडा भासून दरात वाढ होऊ शकेल, असे औंढा नागनाथ तालुक्यातील लांडाळा येथील शेतकरी गणेश ईघारे यांनी सांगितले. ते म्हणाले, की यंदा १८ एकरवर हरभऱ्याची पेरणी आहे. कापणी सुरू आहे. मजूर मिळेनासे झाले आहेत. यंदा आमच्या भागात हरभरा कापणीच्या मजुरीचे दर एकरी ५ हजार रुपये आहेत. गतवर्षी ते ४ हजार रुपये होते. मळणी यंत्राचे दर २५० ते २८० रुपये क्विंटल आहेत. हार्वेस्टरद्वारे काढणीचे दर गतवर्षी एकरी १८०० ते २२०० रुपये होते. ते यंदा एकरी २५०० ते ३००० रुपये झाले आहेत..Chana Cultivation: ऊस पट्ट्यात हरभरा लागवडीकडे शेतकऱ्यांचा कल.हवामानातील बदलामुळे फूलगळ झाली. घाटे अळीचा प्रादुर्भाव झाल्यामुळे अनेक शेतकऱ्यांना एकरी ४ ते ५ क्विंटलपर्यंत उत्पादन मिळत आहे. बाजारभाव कमी झाले आहेत. उत्पादन खर्च व उत्पन्न यात मोठी तफावत येत असल्यामुळे नुकसान झाले आहे, असेही शेतकऱ्यांनी सांगितले..आठ नोव्हेंबरला पेरणी केलेल्या दहा एकरांवरील हरभऱ्याची कापणी सुरू आहे. मागच्या वर्षीपेक्षा यंदा कापणीच्या मजुरीत एक हजार रुपयांची वाढ झाली असून, एकरी चार हजार रुपयांनुसार कापणी केली जात आहे. बाजारभाव कमी झाले आहेत. त्यामुळे फारसा नफा मिळणार नाही.सुभाष काळदाते, ब्राह्मणगाव, ता. जि. परभणी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
