Parbhani News : अतिवृष्टी व पूर परिस्थिती यामुळे झालेल्या पिकनुकसानीपोटी परभणी जिल्ह्यातील शेतकऱ्यांना विशेष बाब म्हणून १ जानेवारी २०२४ नुसार देऊ केलेल्या मदतीच्या चौपट दराने, जिरायती पिकासाठी हेक्टरी ५४ हजार ४०० रुपये प्रति हेक्टर, बागायती पिकासाठी १ लाख ८ हजार रुपये प्रति हेक्टर, तर बहुवार्षिक फळ पिकांसाठी १ लाख ४४ हजार रुपये याप्रमाणे ३ हेक्टरच्या मयदित मदत देण्यात यावी, या मागणीसाठी स्वाभिमानी शेतकरी संघटनेतर्फे शुक्रवारी (ता. ३) परभणी जिल्हाधिकारी कार्यालयावर रूमण मोर्चा काढण्यात आला..पंतप्रधान पीकविमा योजनेत शेतकऱ्यांना व्यापक स्तरावर तसेच वैयक्तिक स्तरावर नुकसान भरपाई मिळवून देणारे पेरणी न होणे, मध्य हंगाम प्रतिकूल परिस्थिती, स्थानिक आपत्ती, काढणी पश्चात नुकसान या ट्रिगरचा पुन्हा समावेश करण्यात यावा. सप्टेंबर मधील नुकसानीचा अहवाल तत्काळ शासनास सादर करून दिवाळीपूर्वी शेतकऱ्यांच्या खात्यात मदत जमा करण्यात यावी..Crop Damage Compensation : अतिवृष्टी नुकसान मदतीसाठी ‘फार्मर आयडी’ बंधनकारक.जून ते ऑगस्ट महिन्यातील बाधित क्षेत्रात बागायती व फळ पिकांचा समावेश करण्यात यावा. विनाअट शेतकऱ्यांची संपूर्ण कर्जमाफी करण्यात यावी. एमएसपी पेक्षा कमी बाजार भाव असल्यामुळे सोयाबीन, कापूस, तूर यासह खरिपातील सर्व पिकांची एमएसपी नुसार येणाऱ्या आठ दिवसांत खरेदी सुरू करण्यात यावी. .Crop Damage Compensation : भरपाईमधून चंद्रपूर जिल्ह्याला वगळले .ऊस बिलातून प्रतिटन १५ रुपये कपातीचा निर्णय तत्काळ रद्द करावा, या मागण्यांसाठी परभणी येथील खानापूर फाटा येथून काढण्यात आलेल्या मोर्चात स्वाभिमानी शेतकरी संघटनेचे युवा आघाडीचे प्रदेशाध्यक्ष दामू अण्णा इंगोले, जिल्हाध्यक्ष किशोर ढगे, हेमचंद्र शिंदे, रामप्रसाद गमे, गजानन तुरे, विश्वंभर गोरवे, सय्यद कलीम, मुंजा लोडे, प्रसाद गरुड, नागेश दुधाटे, हनुमान आमले उपस्थित होते..शेतकऱ्यांचा पोरांचा मोर्चा....अतिवृष्टी बाधितांना हेक्टरी ५० हजार रुपये मदत द्यावी, या मागणीसाठी परभणी जिल्ह्यातील विविध तालुक्यातील अतिवृष्टी, पूर बाधित शेतकऱ्यांच्या मुलांनी शुक्रवारी (ता. ३) जिंतूर रस्त्यावरील महाराणा प्रताप चौक ते जिल्हाधिकारी कार्यालयावर मोर्चा काढला. यामध्ये शेतकरी मोठ्या संख्येने सहभागी झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
