Jalgaon News: खानदेशात पपईदराचा तिढा तयार झाला आहे. आवक कमी असतानाही खरेदीदारांकडून दर कमी दिले जात असल्याने शेतकऱ्यांचे मोठे आर्थिक नुकसान होत आहे. यामुळे काढणीदेखील रखडली आहे. या पार्श्वभूमीवर बाजार समित्या, शेतकरी व खरेदीदार यांची एकत्रित बैठक घेऊन शेतकऱ्यांना योग्य दर दिले जावेत, अशी मागणी केली जात आहे. .खानदेशात दर्जेदार पपई उपलब्ध आहे, मात्र यंदा अति पावसाने उत्पादन कमी येत आहे. दुसरीकडे बाजारात आवक अल्प आहे. किरकोळ बाजारात पपईचे दर ३० रुपये प्रतिकिलोपर्यंत किंवा काही भागात यापेक्षा अधिक आहेत..Papaya Price: खानदेशात पपई दर २० ते २५ रुपये किलो.पण शेतकऱ्यांना जागेवर पाच ते सात रुपये प्रतिकिलोचा दर काही भागात मिळत आहे. नंदुरबारातही कमाल दर ५ ते ७ रुपये प्रतिकिलो, असा आहे. धुळ्यातील शिरपूर, शिंदखेडा भागातही कमाल दर पाच ते ७ रुपये प्रतिकिलो असा जागेवर शेतकऱ्यांना मिळत आहे..जळगाव जिल्ह्यातील रावेर, यावल, मुक्ताईनगर, जामनेर, जळगाव आदी भागांतही पपईचे दर पाच ते सात रुपये प्रतिकिलो, असेच आहेत. अनेक खरेदीदार दर निश्चित करतात, पण खरेदीस येत नाहीत. दर व काढणीचा ठराव झाल्यानंतर पक्व झालेल्या १०० टक्के पपईची काढणी केली जात नाही..Papaya Rate: खानदेशात पपई १५ ते १७ रुपये प्रतिकिलो.ठळक बाबीथंडीत मागणी असतानाही चांगल्या दराअभावी पपईची खरेदी रखडली.खरेदीदारांकडून दरकोंडी केल्याचा आरोप.किरकोळ बाजारात पपईचे दर ३० ते ४० रुपये प्रतिकिलो, मात्र शेतकऱ्यांच्या पदरात कमी दर..काढणी रखडतरावेरातील अनेक गावांत पपईचे सौदे खरेदीदारांनी केले. परंतु काढणीस टाळाटाळ करीत आहेत. मोठ्या बाजारांतून मागणी, उठाव नाही, असे सांगून खरेदीदारांकडून दर पाडले जात आहेत, असा आरोप शेतकऱ्यांकडून होत आहे. हा तिढा दिवसेंदिवस वाढत असून, शेतकऱ्यांची कोंडी झाली आहे. प्रशासनाने यासंबंधी तोडगा काढून कार्यवाही करावी, अशी मागणी शेतकरी करीत आहेत..पपईला मोठा खर्च आला आहे. उत्पादन कमी असतानादेखील पाच ते सात रुपये प्रतिकिलो दरात खरेदी केली जात आहे. केळीसारखी स्थिती पपईची खरेदीदारांनी केली आहे. नफेखोरी खरेदीदार करीत आहेत. शेतकऱ्यांचा खर्चही निघणार नाही. पपईला योग्य दर मिळावा.दर्शन शशिकांत पाटील, शेतकरी, कुंभारखेडा, ता. रावेर, जि.जळगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
