Jalgaon News: खानदेशात यंदा पपई दर टिकून आहेत. त्यात पिकात रोगराईदेखील आहे. पण मोठे, मुबलकजलसाठाधारक शेतकरी पपई लागवडीचे नियोजन करीत असून, आगाप लागवडील दसरा सणालाच सुरवात होईल, असे दिसत आहे. .मागील किंवा २०२४-२५ च्या हंगामात अनेकांनी दिवाळीच्या वेळेस लागवड केली होती. या पिकातील काढणी आता सुरू असून, दर्जेदार पपईस दर चांगला मिळत आहे. यंदा अनेक जण आगाप लागवड दसरा सणालाच करतील, त्यासाठी नियोजन पूर्ण केल्याचे दिसत आहे. .Papaya Cultivation : पपईत पाणी निघत असल्याने चिंतेत भर.यंदा पाऊसही चांगला झाला आहे. यामुळे पपई लागवडीसंबंधी शेतकऱ्यांत नियोजन सुरू असून, रोपांची बुकिंग मे व जूनमध्येच अनेकांनी केली होती. या रोपांचा पुरवठा पुढील आठवड्यात संबंधित कंपन्या करतील. पपईची लागवड जेवढी आगाप तेवढे दर चांगले मिळतात, असा अनुभव अनेक शेतकऱ्यांना आहे. यामुळे ही लागवड यंदा १० ते १५ दिवस लवकर होईल, असे दिसत आहे. .नंदुरबारची आघाडी असणारपपईसाठी खानदेशची ओळख असून, नंदुरबारातील लागवड दरवर्षी वाढत आहे. यंदा तेथे साडेसात ते आठ हजार हेक्टरवर पपई लागवड होईल. यंदाही तेथे सुमारे सात हजार हेक्टरवर पपई आहे. यंदा खानदेशात मिळून सुमारे १२ हजार हेक्टरवर पपई पीक आहे. त्यात काढणी सुरू आहे. तर काहींचे पीक काढणीवर येत आहे. तसेच अनेक भागात रोगराईमुळे काढणीला, पिकाला फटका बसला आहे. यंदाही लागवड वाढेल, असे संकेत आहेत. कारण पाऊसमान, पपई दरांबाबत स्थिती बरी आहे. .Papaya Cultivation: आगाप पपईची विक्रमी १५ हजार हेक्टरवर लागवड.रोपांचे वेगवेगळे दरपपई रोपांचे दर १० ते १२ रुपये १५ नंबर वाणाच्या एका रोपासाठी आहेत. तर ७८६ वाणासंबंधीचे दर १५ ते १७ रुपये प्रतिरोप, असे आहेत. यंदा दर स्थिर आहेत. तसेच पुरवठा शेतकऱ्यांना हव्या त्या वेळी होत आहे. यामुळे लागवडीचे नियोजन अनेकांनी मूग पीक काढणीनंतर लागलीच केले आहे..ठळक बाबीपपई लागवडीसंबंधी रोपांची बुकिंग मेमध्येच सुरू होती. विविध कंपन्या, रोपवाटिकाचालकांनी नोंदणीसाठी समाज माध्यमात जोरदार मोहीम सुरू केली होती. .खानदेशात १५ नंबर व तैवान ७८६ या पपई वाणांची लागवड होईल. त्यात १५ नंबर वाणाची अधिक लागवड असेल. मध्य प्रदेश, गुजरातमधूनही रोपांचा पुरवठा होईल. कारण या भागात रोपवाटिका वाढल्या आहेत. तेथेही रोपांची बुकिंग झाली आहे. जळगावातही स्थानिक रोपवाटिकाचालक रोपांचा पुरवठा करतील. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
