Jalgaon News: खानदेशात सरत्या हंगामात पपईचे दर दबावात होते. पपई फेकण्याची वेळ आली. अशात नव्या म्हणजेच २०२६-२७ च्या हंगामात पपईची लागवड कमी होईल, असे दिसत आहे. परिणामी पपई रोपांचे दरही घसरले आहेत. .मागील हंगामात पपई रोपांचे दर ११ ते १५ रुपये प्रतिरोप, असे होते. त्यात कमाल शेतकऱ्यांनी ७८६ या वाणाच्या लागवडीस पसंती दिली होती. तसेच अनेकांनी १५ नंबर पपई वाणाची लागवडही केली होती. पपईची लागवड २०२४-२५ मध्ये खानदेशात सुमारे साडेसात हजार हेक्टरवर झाली होती. एकट्या नंदुरबार जिल्ह्यात ५२०० हेक्टरवर पपई होती. त्यात शहादा तालुक्यात ४८०० हेक्टरवर पपई पीक होते..Papaya Seedling Price: अस्थिरतेमुळे पपई रोपांच्या दरात घसरण.धुळे व जळगाव जिल्ह्यात मिळून सुमारे १८५० हेक्टरवर पपई पीक होते. धुळ्यातील शिरपूर, धुळे, शिंदखेडा, जळगावातील जामनेर, यावल, रावेर, चोपडा, मुक्ताईनगर या भागात पपई लागवड बऱ्यापैकी झाली होती. २०२५-२६ मध्ये ही लागवड सुमारे १२ हजार हेक्टरवर झाली. परंतु पपईचे दर २०२५-२६ मध्ये दबावात होते. पपई शेतातच पिकून खराब झाली..Papaya Seedlings Price: खानदेशात पपई रोपांचे दर स्थिर.खानदेशात यंदा पपई रोपांचा पुरवठा अधिक व मागणी कमी, अशी स्थिती आहे. धाराशीव, सोलापूर, जालना या या भागातूनही खानदेशात पपई रोपांचा पुरवठा रोपवाटिकाचालक करीत आहेत. ९ ते ११ रुपये प्रतिरोप या दरात रोपे थेट शेतात पोच केली जात आहेत..१५ नंबर वाणाच मागणी अधिकस्थानिक रोपवाटिकाचालकांसमोर यामुळे अडचण तयार होत आहे. त्यात ७८६ या वाणाच्या रोपांना अल्प मागणी आहे. कारण त्यात नैसर्गिक समस्यांनी मोठे नुकसान मागील दोन-तीन हंगाम झाले आहे. तुलनेत १५ नंबर पपई वाणाचे उत्पादन बरे आले आहे. यामुळे १५ नंबर पपई वाणाची लागवड विविध भागात शेतकरी करीत आहेत. पण ही लागवड कमी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
