Jalgaon News : खानदेशात यंदा पपई दर टिकून आहेत. यामुळे पपई लागवडीसंबंधी शेतकऱ्यांत नियोजन सुरू असून, रोपांच्या बुकींगला प्रतिसाद मिळत आहे. लागवड स्थिर राहील किंवा किंचित अधिक होईल, असेही संकेत आहेत. .पपईसाठी खानदेशची ओळख असून, नंदुरबारातील लागवड दरवर्षी वाढत आहे. यंदा तेथे सात हजार हेक्टरवर पपई लागवड झाली होती. खानदेशात मिळून सुमारे १२ हजार हेक्टरवर पपई पीक २०२४-२५ मध्ये उभे राहीले. यंदाही लागवड वाढेल, असे संकेत आहेत. या महिन्यातील पाऊसमान, पपई दरांबाबत अनेक भागात स्थिती बरी आहे. पपई लागवडीसंबंधी रोपांची बुकिंग सुरू असून, विविध कंपन्या, रोपवाटिकाचालक त्याबाबत प्रचार, प्रसिद्धी करीत आहेत. .Papaya Farming : खानदेशात पावसानंतर पपई पीक जोमात.१५ नंबर व तैवान ७८६ या पपई वाणांसंबंधी आगाऊ नोंदणी रोपांचे पुरवठादार करीत आहेत. मध्य प्रदेश, गुजरातमधूनही त्यासंबंधी काही रोपवाटिकाचालक नंदुरबार, धुळ्यात कार्यवाही करीत आहेत. तसेच जळगावातही स्थानिक रोपवाटिकाचालक रोपांची आगाऊ नोंदणी करीत आहेत. या महिन्यात नोंदणी केल्यास सप्टेंबर अखेरीस किंवा ऑक्टोबरमध्ये रोपांचा पुरवठा केला जाईल, असे सांगितले जात आहे. तर पुढील महिन्यात आगाऊ नोंदणी केल्यास रोपांचा पुरवठा नोव्हेंबरच्या मध्यात केला जाईल, असे रोपवाटिकाचालक, रोपे पुरवठादारांकडून सांगितले जात आहे..Papaya Farming : खानदेशात पपई पीक फळकाढणीवर.पपई रोपांचे दर नऊ, १० ते १२ रुपये असे १५ नंबर वाणाच्या एका रोपांसाठी आहेत. तर ७८६ वाणासंबंधीचे दर १३ ते १७ रुपये प्रतिरोप, असे आहेत. शेतकरी दोन्ही प्रकारच्या वाणांची आगाऊ नोंदणी करीत आहेत, परंतु त्यास नंदुरबारातील शहादा, धुळ्यातील शिरपूर भागात प्रतिसाद असल्याचे चित्र आहे. अन्य भागात हवा तसा प्रतिसाद नाही. पण दसरा सणाला अनेक जण आगाऊ नोंदणी सुरू करतात, असेही सांगितले जात आहे.\.दर स्थिरपपईचे दर मागील हंगामात सुरवातीला ३० ते ३५ रुपये प्रतिकिलो, असे होते. सध्या दर २० रुपये प्रतिकिलो, असे आहेत. हा दर जागेवर मिळाला. दर मागील अनेक दिवसात स्थिर राहीले आहेत. यंदा नंदुरबार, शहादा, जळगावमधील जळगाव, चोपडा भागातील लागवड होणार आहे. परिणामी रोपांचे दर स्थिर आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
