Jalgaon News: पपईची लागवड खानदेशात गती घेत आहे. पपईसाठी प्रसिद्ध असलेल्या नंदुरबारमधील शहादामधील लागवड यंदाही कमी राहील, असे दिसत आहे. अनेक शेतकरी दसरा, दिवाळी सणातील बाजारपेठ हेरण्यासाठी लागवड करीत आहेत. .मागील महिन्यात लागवड सुरू झाली. लागवड या आठवड्यात अधिक गतीने सुरू आहे. खानदेशात यंदा सुमारे १० ते १२ हजार हेक्टरवर पपईची लागवड होईल. शहादा तालुक्यातील लागवड सर्वाधिक चार ते साडेचार हजार हेक्टरपर्यंत असते. यंदा शहाद्यातील लागवड चार हजार हेक्टरपर्यंत राहील, अशी स्थिती आहे. शहाद्यातील लागवडीत मागील हंगामात सुमारे दीड हजार हेक्टरने घट झाली..Papaya Farming: पपई पीक काढून क्षेत्र रिकामे करण्यास सुरुवात.नंदुरबारमध्ये पपईची सहा ते सात हजार हेक्टरवर लागवड केली जाते. एकट्या शहाद्यातील लागवड २०२२ मध्ये साडेचार हजार हेक्टर एवढी होती. परंतु पपईचे दर कोसळले व नैसर्गिक समस्यांचा पपईस फटका बसला. यामुळे शहाद्यातील पपई लागवड घटली. मागील हंगामातही पपईस दर हवा तसा नव्हता. यामुळे पपई लागवड मागील हंगामातही वाढली नव्हती. यंदाही लागवड सहा ते सात हजार हेक्टरवर राहील. नंदुरबारमधील लागवड चार हजार हेक्टर एवढी अपेक्षित आहे..Papaya Farming : पपई रोपांच्या आगाऊ नोंदणीला प्रतिसाद.धुळ्यात सुमारे दोन ते अडीच हजार हेक्टरवर पपई पीक राहील. धुळ्यातील शिरपूर तालुक्यात सर्वाधिक १२०० ते १३०० हेक्टरवर पपई लागवड होईल. तर जळगावात सुमारे अडीच ते तीन हजार हेक्टरवर पपई असणार आहे. जळगाव जिल्ह्यात चोपडा, यावल, रावेर, मुक्ताईनगर, जामनेर, पाचोरा, जळगाव, धरणगाव या भागांत पपई असणार आहे. सर्वाधिक लागवड चोपडा, यावल भागात होईल. पपई लागवड मागील महिन्यात सुरू झाली आहे. मागील चार ते पाच दिवसांपासून लागवडीस गती आली आहे..आंतरपिकास पसंतीअनेक शेतकरी कलिंगड पिकात पपईची लागवड करत आहेत. काळ्या जमिनीत पपई पीक जोमात येत. यामुळे काळ्या कसदार क्षेत्रात पीक अधिक आहे. हलक्या, मध्यम क्षेत्रात पपई लागवड शेतकरी टाळत आहेत. लागवड नऊ बाय सात, आठ बाय आठ, सहा बाय सहा फूट या अंतरात उंच गादीवाफा व ठिबक सिचन तंत्राच्या साह्याने केली जात आहे. लागवडीसाठी ७८६, १५ नंबर व अन्य सुधारित, संकरित पपई वाणांचा उपयोग केला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
