Jalgaon News : खानदेशात उशिराची पपई लागवड जूनमध्ये आटोपली. त्यापूर्वी नोव्हेंबर २०२४ मध्ये आगाप लागवडी झाल्या होत्या. या क्षेत्रांतून पपई पिकात फळ काढणी लवकरच सुरू होईल. अनेक जण नवरात्रोत्सव किंवा दसरा सणाला काढणीचा मुहूर्त साधतील, असे दिसत आहे. .पपई पीक बऱ्यापैकी आहे. अनेकांनी रोगराई दूर करण्यासाठी काटेकोर खते, पाण्याचे नियोजन केले. तसेच फवारण्यादेखील घेतल्या. खानदेशात पपई लागवड वाढली आहे. एकट्या शहादा (जि. नंदुरबार) तालुक्यात सुमारे पाच हजार हेक्टरवर लागवड झाली आहे. .Papaya Cultivation: आगाप पपईची विक्रमी १५ हजार हेक्टरवर लागवड.तिन्ही जिल्ह्यांत एकूण १२ हजार हेक्टरवर लागवड झाली असून, पपईखालील क्षेत्र यंदा वाढले आहे. जानेवारी व फेब्रुवारी महिन्यात लागवड केलेल्या पपई पीक फळे पक्व होत आहेत. तर त्यापूर्वी लागवडीच्या बागांत फळे काढणीवर येतील, असे दिसत आहे..पपईतील काढणी सप्टेंबरच्या अखेरीस अनेक क्षेत्रांत सुरू होईल, असे दिसत आहे. पपईसाठी खानदेशातील नंदुरबार जिल्हा प्रसिद्ध आहे. २०२४-२५ मधील लागवड नोव्हेंबरच्या अखेरीस सुरू झाली. अनेक शेतकऱ्यांनी पपईत कलिंगडाचे आंतरपीक घेतले आहे. पपईच्या रोपांचे दर यंदा वेगवेगळे होते. त्यात अधिकचा खर्च शेतकऱ्यांना लागला आहे. प्रतिरोप ११ ते १७ रुपये, असे दर विविध भागात होते..लागवडीत नंदुरबार आघाडीवर, काढणीही अधिक होणार नंदुरबारात सुमारे सात हजार हेक्टरवर, धुळ्यात २००० हेक्टरवर आणि जळगाव जिल्ह्यात सुमारे ३१०० हेक्टरवर लागवड झाली आहे. नंदुरबार गेले तीन वर्षे पपई लागवडीत आघाडीवर राहिला आहे..Papaya Supply: खानदेशात पपईची आवक नीचांकी स्थितीत.नंदुरबारातील लागवड मागील वर्षी किंवा २०२३-२४ मध्ये घटली होती. धुळ्यात शिरपूर व शिंदखेडा भागात अधिक लागवड झाली आहे. जळगाव जिल्ह्यात चोपडा, यावल, रावेर, जामनेर, मुक्ताईनगर व इतर भागात लागवड झाली आहे..चांगल्या दरांची अपेक्षापपईचे दर गेल्या हंगामात कमाल ३२ व किमान पाच रुपये प्रतिकिलो, असे मिळाले. दर अनेक दिवस टिकून होते. तर मे ते जून या कालावधीत दर घसरले होते. मागील वर्षी अनेक शेतकऱ्यांच्या पपई बागा विविध विषाणूजन्य रोगाने नोव्हेंबरमध्येच काढून फेकाव्या लागल्या. .नुकसानीची समस्या लक्षात घेता यंदा पपई लागवडीनंतर लागलीच कलिंगडाचे आंतरपीक त्यात घेवून खर्च काढून घेण्याचा प्रयत्न केला आहे. पपई पिकासाठी गादीवाफे, ठिबक तंत्रज्ञानाचा अवलंब ९० टक्के पपई उत्पादकांनी केला आहे.खानदेशातील पपई लागवडजिल्हा लागवडीखालील क्षेत्र (हे.) प्रमुख भागनंदुरबार ७,००० शहादा तालुका आघाडीवरधुळे २,००० शिरपूर, शिंदखेडाजळगाव ३,१०० चोपडा, यावल, रावेर, जामनेर, मुक्ताईनगर .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
