Jalgaon News: उष्णतेचा फटका बसलेले पपई पीक पावसात खराब झाले आहे. पिकाची वाढ काही भागात चांगली आहे. आगाप लागवडीच्या पिकात काढणी सुरू आहे. पण पीकस्थिती जेमतेम आहे. फळधारणादेखील यंदा कमी आहे. .पपईची लागवड खानदेशात स्थिर आहे. नंदुरबार जिल्हा पपई लागवडीत आघाडीवर आहे. जिल्ह्यात मागील हंगामात ५२०० हेक्टरवर पपई पीक होते. एकट्या शहादा तालुक्यात सुमारे साडेचार हजार हेक्टरवर पपई पिकाची लागवड झाली होती. परंतु मागील हंगामात पपईला अल्प दर मिळाला..Papaya Crop : पपई पीक सल्ला.फक्त ऑक्टोबर व नोव्हेंबर २०२४ च्या मध्यापर्यंत दर टिकून होते. सुरुवातीला पपई दर १५ ते २० रुपये प्रति किलोपर्यंत होते. मागील वेळेस डिसेंबर, जानेवारी व फेब्रुवारीत पपईला सरासरी सात रुपये प्रतिकिलोचा दर मिळाला. मार्चमध्ये दुसऱ्या आठवड्यात पपई दरात सुधारणा झाली. परंतु मार्च महिन्यापर्यंत अनेकांनी पीक काढून क्षेत्र रिकामे केले..कारण काढणी ठप्प होती. खरेदीदार पपई घेण्यास येत नव्हते. शेतातच किंवा झाडावर पपई पक्व होऊन खराब होण्याचा प्रकारही वाढला होता. शिवाय नंदुरबार, धुळे जिल्ह्यांत रोगराईमुळे पपई पिकाची हानी झाली. .Papaya Crop : केवळ फळच नाही तर 'या' झाडाची पानेही आहेत रामबाण उपाय .यामुळे पपई लागवड २०२४-२५ मध्ये घटेल, असे संकेत होते. पपईची लागवड खानदेशात मार्च ते मे या कालावधीत अधिक केली जाते. परंतु अनेकांनी अधिक कालावधीच्या रोगप्रतिकारक्षम पपई वाणांची लागवड केली. ही लागवड नोव्हेंबर २०२४ आणि पुढे जानेवारी व फेब्रुवारीत झाली. नंदुरबार जिल्ह्यात लागवड स्थिर आहे..जळगाव जिल्ह्यातील लागवड ३० टक्क्यांनी वाढली आहे. जळगाव जिल्ह्यात जळगाव, चोपडा, जामनेर व अन्य भागात पपई पीक अधिक आहे. जळगाव जिल्ह्यात यंदा सुमारे ३००० हेक्टरवर पपई पीक आहे. धुळ्यातही सुमारे २२०० हेक्टरवर पपई पीक आहे. तर नंदुरबारातील लागवड सात हजार हेक्टरपर्यंत आहे. .आगाप पिकाला फटकाआगाप पिकाला यंदा उष्णतेचा मोठा फटका बसला होता. नंतर पावसाचाही फटका बसला आहे. मेच्या अखेरीस व जूनच्या सुरुवातीला उष्णता अधिक होती. कमाल तापमान ४३ अंश सेल्सिअस काही भागात होते. याचा फटका एप्रिल व मे मध्ये लागवड केलेल्या व आगाप पिकाला बसला आहे. काही शेतकऱ्यांचे पपई पीक काढून फेकावे लागले होते..पिकाचा उष्णतेपासून बचाव करण्यासाठी शेतकऱ्यांनी क्रॉप कव्हर व अन्य उपाययोजना केल्या. त्यासाठी खर्चही अधिक लागला. परंतु उष्णतेमुळे उत्पादकतेला फटका बसला असून, काही बागांचा काढणी हंगामही लांबला. आता पिकात फळधारणाही झाली तसेच काही अंशी काढणीही सुरू आहे. पण नैसर्गिक फटका बसल्याने हंगाम हवा तसा नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
