Palghar Rain Deficit Affecting Crops: विक्रमगड तालुक्यात भाताचे पीक दाणे भरण्याच्या अवस्थेत आहे. अशातच १५ ते २० दिवसांपासून पावसाने दडी मारल्याने खरिपाबरोबर रब्बीचा हंगामही संकटात सापडण्याची भीती आहे. विक्रमगड तालुक्यात सुरुवातीपासूनच पावसाने लहरीपणा दाखवल्याने पेरणी, भातलावणी उशिराने झाली होती. .जूनच्या अखेरच्या आठवड्यात २५ जूननंतर पावसाला सुरुवात झाली. त्यामुळे पेरणी उशिराने झाल्याने लावणीची कामेही विलंबाने झाली. पिकाची वाढ सुरू असताना काही काळ समाधानकारक पाऊस झाला. मात्र, भातपीक पोटरीवर येऊन लोंब्या येण्याची तसेच दाणे भरण्याची अवस्थेतच पावसाने मोठी ओढ दिली आहे. त्यामुळे पाण्याची आवश्यकता असते. मात्र, पावसाअभावी उत्पादनावर परिणाम झाला आहे..Crop Damage Survey: सांगली जिल्ह्यात दुष्काळाचे फेरसर्वेक्षण करा.शेतकऱ्यांसमोर आव्हानबदलत्या हवामानाचा फटका शेतीला बसत असून, पावसाचे वेळापत्रकच बदलल्याचे शेतकऱ्यांचे म्हणणे आहे. पेरणीच्या वेळी पाऊस नसतो, लावणीच्या काळात पावसाची अनिश्चितता असते, पीक दाणे भरण्याच्या अवस्थेत असताना पुन्हा पावसाने ओढ दिली जाते. त्यामुळे शेतकऱ्यांसमोर उत्पादन टिकवण्याचे मोठे आव्हान आहे. .Crop Damage Survey: २६५ तालुक्यांत ४३ टक्के पंचनामे : कृषिमंत्री भरणे.उत्पादन खर्च, घटते उत्पन्नशेतीसाठी लागणारे बियाणे, खते, औषधे तसेच मजुरीच्या दरात मोठी वाढ झाली आहे. उत्पादन खर्चाच्या तुलनेत भाताला मिळणारे उत्पन्न समाधानकारक नसल्याने शेतकरी आधीच आर्थिक अडचणीत आले आहेत. .भाजीपाला लागवडीचा प्रश्न भातपिकाला पाण्याची आवश्यकता असताना पावसाने दडी मारल्याने केवळ खरीप हंगामच नव्हे, तर आगामी रब्बी हंगामावरही त्याचा परिणाम होण्याची शक्यता आहे. भातशेतीला ओलावा नसल्याने रब्बीच्या लागवडीसाठी जमिनीला आवश्यक ओलावा उपलब्ध होणार नाही. त्यामुळे भाजीपाला लागवडीचा प्रश्न निर्माण होणार आहे. .उदरनिर्वाहासाठी धडपडशेतीसाठी कर्ज काढावे लागते. बियाणे, खते, मजुरी यासाठी मोठा खर्च होतो. मात्र, शेवटी शेतात केलेला खर्चही अनेक वेळा वसूल होत नाही. त्यामुळे शेती करणे परवडत नसल्याची भावना निर्माण होते. परंतु, शेती पारंपरिक व्यवसाय असल्याने उदरनिर्वाहासाठी शेती करणे भाग आहे. .तालुक्यात पावसाने मोठी ओढ दिली आहे. २५ जूननंतर पावसाला सुरुवात झाल्याने पेरणी, लावणीची कामे उशिराने झाली. आता भातपीक दाणे भरण्याच्या महत्त्वाच्या अवस्थेत पावसाने पुन्हा ओढ दिली आहे.- बबन सांबरे, शेतकरी.परतीचा पाऊस अपेक्षित प्रमाणात झाला नाही. त्यामुळे भातशेतीचे नुकसान होण्याची शक्यता आहे. जमिनीतील ओलावा टिकून राहिला नाहीतर, त्याचा परिणाम रब्बी हंगामावर होणार आहे.- सोपान दिघे, शेतकरी, विक्रमगड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
