Palghar News : पालघर जिल्ह्याच्या हद्दीतील अवैध मासेमारी रोखण्याच्या कामात ड्रोनचा वापर सुरू आहे. गेल्या काही महिन्यांपासून समुद्रातील अवैध मासेमारीला रोखण्यात मत्स्यव्यवसाय विभागाला यश आले आहे..मत्स्यव्यवसाय विभागाकडून पालघर जिल्ह्यात तीन ठिकाणी ड्रोन तैनात करण्यात आले आहेत. दिवसातून तीन वेळा ड्रोन समुद्रात जाण्यासाठी उड्डाण भरत आहेत. समुद्रकिनाऱ्यापासून १२ नॉटिकल मैल अंतरापर्यंत जाऊन हालचालीची माहिती ड्रोनच्या माध्यमातून मत्स्यव्यवसाय विभागाला उपलब्ध करून दिली जाते. .Fish Food: मत्स्यखाद्यासाठी ब्लॅक सोल्जर माशीच्या अळ्या .अवैध मासेमारी रोखण्यासाठी ड्रोनचा वापर फायदेशीर ठरत असल्याचे मत्स्यव्यवसाय विभागाचे म्हणणे आहे. डहाणूतील बोर्डी, पालघरमधील शिरगाव आणि वसईतील रानगाव येथे ड्रोन तैनात करण्यात आले आहेत. .Fish Farming : अतिवृष्टीचा मत्स्य व्यावसायिकांना मोठा फटका.ड्रोनच्या माध्यमातून केलेल्या निगराणीत जाळे ओढण्यासाठी बूम लावलेल्या बोटी आढळून आल्या होत्या; परंतु बूम लावणे नियमबाह्य नसल्याने कारवाई करण्यात आली नाही. क्रमांक आणि कलर कोड नसलेल्या सातपाटी बंदरातील ६८, तर डहाणूतील २५ बोटींवर मत्स्यव्यवसाय विभागाने कारवाई केली आहे..चक्रीवादळामुळे सतर्क राहावाणगाव : अरबी समुद्रात निर्माण ‘शक्ती’ चक्रीवादळामुळे ८ ऑक्टोबरपर्यंत पालघरच्या समुद्रकिनाऱ्याजवळील भागात वादळी वाऱ्याचा इशारा हवामान खात्याकडून देण्यात आला आहे, तसेच ७ ऑक्टोबरपर्यंत हलक्या ते मध्यम पावसाची शक्यता आहे. ८ ऑक्टोबरला पावसाचा जोर वाढेल व तुरळक ठिकाणी जोरदार पावसाचा इशारा दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
