MSP Payment Delay: रब्बी हंगामातील धान व मका खरेदीची मुदत संपली असली, तरी शेतकऱ्यांच्या मालाचे ४२० कोटी रुपयांचे चुकारे अद्याप पूर्णपणे अदा झालेले नाहीत. खरीप हंगामाच्या तोंडावर पैसे न मिळाल्याने हजारो शेतकऱ्यांना पेरणी, खते, बियाणे आणि इतर शेती खर्चासाठी आर्थिक अडचणींचा सामना करावा लागत आहे..पूर्वीच्याच हंगामातील सुमारे ३५० कोटी रुपयांचे चुकारे अद्याप प्रलंबित आहेत. तसेच जिल्हा मार्केटिंग फेडरेशनमार्फत यंदा धान खरेदीसाठी ३५ लाख १२ हजार क्विंटल उद्दिष्ट निश्चित करण्यात आले होते..Onion Farmer Crisis: कांदा खरेदीनंतरही शेतकऱ्यांच्या नशिबी पेमेंटसाठी प्रतीक्षाच.त्यापैकी ३० जूनपर्यंत ३४ लाख २४ हजार १११ क्विंटल धानाची खरेदी करण्यात आली. धान विक्रीसाठी जिल्ह्यातील ७८,१२२ शेतकऱ्यांनी ऑनलाइन नोंदणी केली होती. त्यापैकी ७८,०८७ शेतकऱ्यांनी हमीभावाने धानाची विक्री केली..खरेदी केलेल्या धानाची एकूण किंमत ५११ कोटी ३६ लाख रुपये झाली. त्यापैकी ४७१ कोटी रुपये शेतकऱ्यांच्या खात्यात जमा करण्यात आले असून सुमारे ४० कोटी रुपये अद्याप प्रलंबित आहेत..Rabi Paddy Payments: रब्बीतील धान विक्रीचे ५४७ कोटी रुपये रखडले; ७१ हजार शेतकरी प्रतीक्षेत.मका खरेदीमध्ये सुमारे ३ हजार शेतकऱ्यांनी ८६ हजार १४९ क्विंटल मक्याची विक्री केली. या खरेदीची एकूण किंमत ४९ कोटी ७३ लाख रुपये झाली. त्यापैकी १९ कोटी ७३ लाख रुपयांचे चुकारे अद्याप शेतकऱ्यांना मिळालेले नाहीत..निविष्ठाखरेदीत अडथळेखरीप हंगाम सुरू असताना चुकारे वेळेत न मिळाल्यामुळे पेरणीसाठी आवश्यक निविष्ठा खरेदी करणे कठीण जात असल्याची भावना शेतकऱ्यांनी व्यक्त केली आहे. त्यामुळे शासनाने आवश्यक निधी उपलब्ध करून चुकारे तातडीने अदा करावेत, अशी मागणी होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
