Vikramgad News: यंदाच्या खरीप हंगामात मेच्या अखेरीसच पावसाने दमदार सुरुवात केली होती, मात्र सतत कोसळणाऱ्या पावसामुळे शेतकऱ्यांची चांगलीच पंचाईत झाली. सध्या विक्रमगड परिसरात भातकापणीची लगबग सुरू असून, काही ठिकाणी कापणीसाठी मजुरांची टंचाईही जाणवत आहे. .जोपर्यंत आभाळ कोरडे आहे, तोपर्यंत काम थांबवायचे नाही, या निर्धाराने शेतकरी शेतात राबत आहेत.गेल्या आठवड्यापासून हवामानाने काहीशी उघडीप दिल्याने शेतकरी आता उरलेले भातपीक वाचवण्यासाठी कापणीच्या कामात मग्न झाले आहेत..Farmer Struggle: मजुरांअभावी वेचणीचा कापूस पडून.तालुक्यात यंदा सात हजार ५५८ हेक्टर क्षेत्रावर भातपिकाची लागवड करण्यात आली आहे. विक्रमगड व परिसरातील आंबेघर, बालापूर, दादडे, शेलपाडा, खडकी, सारशी, अंधेरी, ओंदे आदी भागांतील शेतकऱ्यांनी हळवे भातकापणीला सुरुवात केली आहे..Farmer Struggle: दराअभावी घेवडा उत्पादक अडचणीत.हवामान अनिश्चिततेने काळजी वाढलीसध्या प्रत्येक शेतात कापणी करताना शेतकऱ्यांची लगबग आहे, मात्र पावसाचा धोका अजून टळलेला नाही. गेल्या काही वर्षांच्या तुलनेत यंदा तालुक्यात सरासरीपेक्षा अधिक पाऊस झाला आहे. त्यामुळे एकीकडे पिकाला भरपूर ओल मिळाली, पण दुसरीकडे शेतकऱ्यांचे नुकसानही झाले..दिवसभर कापणी करून थोडाफार भात वाचवतोय. पुन्हा पाऊस आला तर उरलेलेही भिजून जाईल, मग सर्व मेहनतीचा खेळखंडोबा होईल, असे ओंदे येथील शेतकरी स्वप्नील पाटील यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
