Gondia News: धान उत्पादक शेतकऱ्यांना दरवर्षी दिल्या जाणाऱ्या बोनसबाबत यंदा घोषणा न झाल्याने शेतकऱ्यांमध्ये नाराजीचा सूर आहे. राज्य सरकारकडून धान उत्पादकांना प्रोत्साहन अनुदान म्हणून बोनस जाहीर केला जातो. मात्र यंदाच्या अर्थसंकल्पातही याबाबत कोणतीही घोषणा न झाल्याने जिल्ह्यातील सुमारे १ लाख ३२ हजार शेतकऱ्यांची चिंता वाढली आहे..पूर्व विदर्भातील गोंदिया, भंडारा, गडचिरोली, चंद्रपूर आणि नागपूर या पाच जिल्ह्यांत धानाची मोठ्या प्रमाणावर लागवड केली जाते. या भागात दरवर्षी जवळपास १७ लाख हेक्टर क्षेत्रावर धानाची लागवड होते. उत्पादन खर्च वाढत असल्याने शेतकऱ्यांना आर्थिक दिलासा मिळावा म्हणून राज्य शासनाकडून बोनस जाहीर केला जातो. धान लागवडीसाठी सध्या प्रति हेक्टर सुमारे २५ ते २६ हजार रुपये खर्च येत असल्याचे शेतकरी सांगतात..Paddy Bonus Delay: भात बोनस रखडल्याने गोंदियात शेतकऱ्यांमध्ये संताप.दरम्यान, बोनस मिळण्यासाठी शासनाच्या पोर्टलवर ऑनलाइन नोंदणी करणे अनिवार्य होते. त्यानुसार गोंदिया जिल्ह्यातील १ लाख ३२ हजार ६९६ शेतकऱ्यांनी नोंदणी केली होती. मात्र बोनसची घोषणा अद्याप न झाल्याने प्रचंड अस्वस्थता आहे. खरीप हंगामातील शासकीय धान खरेदी साधारणतः ३१ मार्चपर्यंत केली जाते. जिल्हा मार्केटिंग फेडरेशनला यंदा २७ लाख १२ हजार क्विंटल धान खरेदीचे उद्दिष्ट देण्यात आले आहे..Paddy Bonus: केरळ धान शेतकऱ्यांना बोनस देत राहणार; हमीभाव ४ हजार करण्याची केंद्राकडे मागणी.मात्र उद्दिष्ट वाढवून न दिल्याने अद्यापही अनेक शेतकरी धान विक्रीच्या प्रतीक्षेत आहेत. जिल्ह्यातील सुमारे ५० हजार ५४३ शेतकऱ्यांनी धान विक्रीसाठी नोंदणी केली आहे. बोनसच्या घोषणेबाबत दिवाळी अधिवेशनात निर्णय होण्याची अपेक्षा व्यक्त करण्यात आली होती. मात्र त्यावेळीही घोषणा झाली नाही. त्यानंतर अर्थसंकल्पीय अधिवेशनाकडे शेतकऱ्यांचे लक्ष लागले होते. परंतु अर्थसंकल्पातही बोनसचा उल्लेख नसल्याने धान उत्पादकांमध्ये निराशा आहे..३७९ कोटी रुपयांचे देयक प्रलंबितशासकीय धान खरेदी केंद्रावर धान विक्री करणाऱ्या ४० हजार शेतकऱ्यांचे सुमारे ३७९ कोटी रुपयांचे देयक अद्याप प्रलंबित असल्याची माहिती समोर आली आहे. निधीअभावी ही रक्कम काही महिन्यांपासून अडकली आहे. त्यामुळे अनेक शेतकऱ्यांवर कर्जाचा ताण वाढला असून पुढील हंगामासाठी भांडवल उभे करणे कठीण झाले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
