Maharashtra Market Update: पाचोरा येथील कृषी उत्पन्न बाजार समितीत आठवड्यापासून ज्वारी व मक्याची विक्रमी आवक होत आहे. बाजार समितीमागील पुनगाव रस्त्यावर धान्याने भरलेल्या वाहनांच्या लांबच लांब रांगा लागत आहेत..या ठिकाणी दररोज लिलाव होत असून, मालाला योग्य भाव मिळत आहे. शिवाय, अचूक मोजमाप होऊन शेतकऱ्यांना लगेचच पैसे अदा केले जात असल्याने बहुतांश शेतकरी येथील बाजार समितीत शेतमाल आणत असल्याने आवक वाढल्याचे चित्र सध्या दिसून येत आहे..Jowar Farmers Issue: ज्वारी उत्पादकांना फटका.येथील बाजार समितीत पाचोरा, भडगाव, पारोळा, एरंडोल, धरणगाव, कासोदासह मराठवाड्यातील बहुतांश शेतकरी आपला शेतमाल विक्रीसाठी आणतात. बाजार समितीची लिलाव व मोजमाप प्रक्रियेवर करडी नजर असल्याने तसेच व्यापाऱ्यांकडून लिलावासह खरेदी व मोजमापात कोणत्याही प्रकारची दिरंगाई केली जात नसल्याने शेतकऱ्यांना जास्त वेळ बाजार समितीत थांबावे लागत नाही. परिणामी, धान्याची आवक वाढली आहे. दररोज सकाळी लिलाव प्रक्रिया होत असल्याने शेतकऱ्यांमधून समाधान व्यक्त होत आहे..Maize Prices Crash: मक्याचा दर हमीभावाच्या खाली, तेलंगणातील शेतकरी अडचणीत, सरकारकडे मदतीची मागणी.बाजार समितीचे सभापती गणेश पाटील, उपसभापती पी. ए. पाटील यांच्यासह संचालक तसेच सचिव बी. बी. बोरुडे हे लिलाव व मोजमाप प्रक्रियेवर सातत्याने लक्ष केंद्रीत करीत असल्याने तसेच शेतकऱ्यांसाठीच्या योग्य सोयी, सुविधा उपलब्ध करून देण्यात आल्याचा परिणाम धान्याच्या आवक वाढीत झालेला दिसत आहे..बाजार समितीत लिलाव व मोजमाप प्रक्रियेवर लक्ष केंद्रीत केले जाते. व्यापाऱ्यांना वेळोवेळी सूचना दिल्या जातात. शेतकऱ्यांसाठीच्या सर्व सुविधा या ठिकाणी उपलब्ध आहेत. दररोज लिलाव, अचूक मोजमाप, योग्य भाव व लागलीच पेमेंट या प्रक्रियेमुळे शेतकरी या बाजार समितीस पसंती देतात. त्यामुळे आवक वाढली आहे. गणेश पाटील, सभापती, बाजार समिती, पाचोरा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
