Raigad News : कर्जत तालुक्यातील पोशिर ग्रामपंचायतीमधील चिंचवाडी या आदिवासी पाड्यावर पुन्हा एकदा जनावरे चोरीची घटना घडली आहे. नवरात्रोत्सवाच्या उत्साहात संपूर्ण तालुका रमला असताना सोमवारी (ता. २२) चोरट्यांनी आदिवासी शेतकरी गणेश विठ्ठल पारधी यांच्या घरातून बैलजोडी चोरून नेली..ग्रामस्थांच्या म्हणण्यानुसार, चार जणांच्या टोळीने मारुती स्विफ्टसदृश गाडीतून येऊन बैलांना भूल देऊन त्यांना पळवून नेले. वाडीतील काहींना संशय आल्यावर गावकऱ्यांनी पाठलाग करण्याचा प्रयत्न केला, परंतु चोरटे पसार झाले. .Farming Life: बैलाचे उमाळे आणि भावनिक कल्लोळ.या घटनेचा काही भाग एका तरुणाने मोबाईल कॅमेऱ्यात कैद केला. घटनेनंतर दौलत पारधी, गणेश पारधी, काळू निरगुडा व ग्रामस्थांनी तत्काळ कळंब पोलिस स्टेशनमध्ये धाव घेतली..Pola Tradition : पोळा: बैलांच्या ऋणाची परतफेड करणारा सण.निसर्गाच्या लहरीपणामुळे आधीच शेती धोक्यात असताना चोरीमुळे नुकसान दुप्पट होत असल्याचे ग्रामस्थांनी म्हटले आहे. सध्या पेट्रोलिंग बंद असल्याने चोरट्यांचे धैर्य वाढले असून, त्यांना मोकळे रान मिळाले असल्याचे शेतकऱ्यांचे म्हणणे आहे..जनआंदोलन उभारणारचोरांना पोलिसांची भीतीच उरलेली नाही. प्रशासनाने तातडीने ठोस पावले उचलली नाहीत तर अशा घटना वाढतच जातील. चोरट्यांना गजाआड करून नियमित पेट्रोलिंग सुरू करा अन्यथा मोठे जनआंदोलन उभे करण्याचा इशारा ग्रामस्थांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
