Solapur News: सोलापूर जिल्ह्यात जलजीवन मिशनअंतर्गत मंजूर असलेल्या १,००९ पैकी तब्बल ५६६ कामे निधीअभावी ठप्प झाल्याची माहिती जिल्हा परिषदेचे मुख्य कार्यकारी अधिकारी कुलदीप जंगम यांनी दिली. .या कामांना गती मिळावी यासाठी त्यांनी ठेकेदारांची बैठक घेतली. मात्र, शंभर टक्के प्रलंबित बिले दिल्याशिवाय कामे सुरू न करण्याची भूमिका ठेकेदरांनी घतेल्याने प्रश्न निर्माण झाला आहे.बैठकीत जलजीवन मिशनमधील ४४३ कामे पूर्ण झाल्याचे, तर २०८ कामे ७५ टक्के पूर्णत्वाच्या टप्प्यावर असल्याचे जंगम यांनी सांगितले..Jal Jeevan Mission : वीज जोडणीअभावी रखडले जलजीवन मिशन योजनेचे काम.तसेच ५४ कामांच्या जागा वादग्रस्त असल्याने त्या स्थळांबाबत पुढील आठवड्यात सुनावणी घेऊन मार्गी लावले जाणार असल्याचेही त्यांनी स्पष्ट केले. महाराष्ट्र राज्य पाणीपुरवठा कंत्राटदार संघटनेचे जिल्हाध्यक्ष आनंद तोडकरी, उपाध्यक्ष हेमंत जाधव, सचिव विवेक राठोड, खजिनदार श्रीकांत सोनी यांच्यासह उपस्थित ठेकेदारांनी प्रलंबित बिलांसाठी ६५ कोटी रुपयांची मागणी पुन्हा एकदा केली..Jal Jeevan Mission : जालना जिल्ह्यातील ‘जलजीवन’ची २५८ कामे पूर्ण; ३१९ पूर्णत्वाच्या टप्प्यांत .दिवाळीपूर्वी जलजीवन मिशनसाठी आलेल्या २०.१३ कोटींच्या निधीपैकी ठेकेदारांना फक्त २५ टक्क्यांप्रमाणे रक्कम वाटप करण्यात आली होती. उर्वरित बिले न मिळाल्याने आर्थिक अडचणी वाढल्याचा ठेकेदारांचे म्हणणे होते..६५ कोटीची केली मागणीया बैठकीत मुख्य कार्यकारी अधिकारी जंगम यांनी शासनाकडे ६५ कोटींची तातडीची मागणी करण्यात आल्याचे सांगत, निधी मिळताच ठेकेदारांच्या खात्यावर रक्कम जमा केली जाईल, अशी ग्वाही दिली. परंतु बिले मिळाल्याशिवाय बंद असलेली कोणतीही कामे पुन्हा सुरू करणार नसल्याच्या मुद्द्यावर ठेकेदार ठाम राहिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
