Parbhani Hingoli Pikvima News: यंदाच्या (२०२६) खरीप हंगामात बुधवार (ता. २९) सकाळपर्यंत पंतप्रधान पीकविमा योजनेअंतर्गत परभणी आणि हिंगोली जिल्ह्यांतील ३ लाख ४१ हजार २०८ शेतकऱ्यांनी ५ लाख २० हजार ८९२ पीकविमा अर्ज दाखल केले आहेत. .या शेतकऱ्यांनी स्वहिश्श्यापोटी ३८ कोटी ४८ लाख ४ हजार रुपये विमा हप्ता भरला असून, ४ लाख ४२ हजार ७२० हेक्टर क्षेत्रावरील सोयाबीन, कपाशी, तूर, मूग आणि उडीद पिकांसाठी २ हजार १२९ कोटी ६१ लाख ७६ हजार रुपयांचे विमा संरक्षण घेतले आहे. पीकविमा अर्ज दाखल करण्याची अंतिम मुदत शुक्रवार (ता. ३१) आहे. खरीप पीकविमा योजना परभणी आणि हिंगोली जिल्ह्यांतील कपाशी, सोयाबीन, तूर, मूग आणि उडीद या पिकांसाठी लागू आहे..Crop Insurance Scheme: हिंगोलीत पीकविमा योजनेत सोयाबीन, कपाशी, तूर, मूग, उडदाचा समावेश.परभणी जिल्ह्यात बुधवार (ता. २९) सकाळपर्यंत जिल्ह्यातील ५२ महसूल मंडळांतील १ लाख ७० हजार ९१८ शेतकऱ्यांनी ३ लाख २३ हजार २५० विमा अर्ज दाखल केले. त्यापैकी कर्जदारांचे ६ हजार १९८ आणि बिगर कर्जदारांचे ३ लाख १७ हजार ५२ अर्ज आहेत. या शेतकऱ्यांनी २३ कोटी ८७ लाख ५४ हजार रुपये स्वहिश्श्याचा विमा हप्ता भरला असून, २ लाख १८ हजार ९७० हेक्टर क्षेत्रावरील पिकांसाठी १ हजार ३५२ कोटी ९७ लाख ५५ हजार रुपयांचे विमा संरक्षण घेतले आहे..हिंगोली जिल्ह्यात बुधवार (ता. २९) सकाळपर्यंत ४० महसूल मंडळांतील १ लाख ७० हजार २९० शेतकऱ्यांनी १ लाख ९७ हजार ६४२ विमा अर्ज दाखल केले आहेत. त्यामध्ये कर्जदारांचे ७ हजार ३२५ आणि बिगर कर्जदारांचे १ लाख ९० हजार ३१७ अर्ज आहेत. या शेतकऱ्यांनी १४ कोटी ६० लाख ५० हजार रुपये स्वहिश्श्याचा विमा हप्ता भरून १ लाख २५ हजार ७२० हेक्टर क्षेत्रावरील पिकांसाठी ७७६ कोटी ६४ लाख २१ हजार रुपयांचे विमा संरक्षण घेतले आहे..PM Crop Insurance Scheme: खरिप हंगामातील पाच पिकांना पीकविमा योजना लागू.अधिसूचित महसूल मंडळामध्ये चालू वर्षातील सरासरी उत्पादन उंबरठा उत्पादनापेक्षा कमी आल्यास पीकविमा परतावा देय राहणार आहे. सर्व पिकांसाठी जोखीम स्तर ७० टक्के निश्चित करण्यात आला आहे. पीकविमा अर्जासाठी ७/१२ उतारा, नमुना ८-अ (जमीन धारणाप्रमाणपत्र), पीकपेरा घोषणापत्र, आधार क्रमांक आणि आधार संलग्न बँक खाते आवश्यक आहे. राष्ट्रीय पीकविमा पोर्टलवर शेतकऱ्यांना स्वतः ऑनलाइन अर्ज भरण्याची सुविधा उपलब्ध असून, बँका किंवा सामूहिक सेवा केंद्रांमार्फत (सीएससी) देखील अर्ज करता येतो. सीएससी केंद्र चालकांना विमा कंपनीकडून प्रति अर्ज ६० रुपये मानधन दिले जाते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
