Satara News : फार्मर आयडीकडे शेतकऱ्यांचे दुर्लक्ष होत असून, अनेक कारणांनी शेतकरी अजूनही फार्मर आयडी काढू शकलेले नाहीत. ज्याचा थेट परिणाम अशा शेतकऱ्यांना सरकारी योजनांपासून वंचित राहावे लागणार आहे. .जिल्ह्यातील पाच लाख २४ हजार शेतकरी फार्मर आयडी काढण्यात यशस्वी झाले आहेत. याची टक्केवारी ५४.३८ आहे. गुंठेवारीत शेती असणारे आणि मोठ्या प्रमाणात शेती असलेल्यांनी या फार्मर आयडीकडे दुर्लक्ष केल्याने अद्याप साडेचार लाख शेतकऱ्यांना फार्मर आयडीसाठी नोंदणी केले नसल्याचे चित्र आहे..Farmer ID : नवा खातेउतारा जोडण्यासाठी शेतकऱ्यांची वणवण.अनेक शेतकऱ्यांना फार्मर आयडीचे महत्त्व आणि त्याचे फायदे याबद्दल शेतकऱ्यांत पुरेशी जागृती नाही. ग्रामीण भागातील यापूर्वी ज्यांनी विविध शासकीय कृषी योजनांचा लाभ घेतला आहे, अशा शेतकऱ्यांनी फार्मर आयडी काढला आहे. मोबाईल ॲप किंवा वेब पोर्टल वापरून ही नोंदणी प्रक्रिया करता येते; पण काही शेतकऱ्यांना या तंत्रज्ञानाची माहिती कमी असल्याने त्यांच्यासाठी हे थोडे कठीण वाटत आहे..Farmer ID: फार्मर आयडीच्या गोंधळाचा शेतकऱ्यांना फटका.पीएम किसान योजनेच्यालाभार्थ्यांनी मात्र, या नोंदणीत आघाडी घेतली आहे. या योजनेचे पाच लाख २४ हजार ५८० शेतकऱ्यांनी फार्मर आयडी काढला आहे. आता उर्वरित चार लाख ४० हजार ०१६ शेतकऱ्यांनी ॲग्रीस्ट्रकवर नोंदणी करून आयडी काढणे बाकी आहे..आर्थिक नुकसान शक्य?फार्मर आयडी नसल्यामुळे हजारो शेतकरी विविध कृषी योजनांच्या लाभापासून वंचित राहणार आहेत. त्यामुळे कृषी व महसूल विभागाने याबाबत तालुका, गावस्तरावर मोहीम राबविणे आवश्यक आहे. केवळ फार्मर आयडी नसल्यामुळे शेतकऱ्यांना लाभाच्या विविध योजनांचा लाभ न मिळाल्याने मोठे आर्थिक नुकसान होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
