Nanded News : जिल्ह्यात सात लाख ९४ हजार ९०५ शेतकरी संख्या आहे. या तुलनेत सात लाख ९४ हजार ९०५ च्या तुलनेत पाच लाख ६७ हजार ९२८ शेतकऱ्यांनी ओळख क्रमांक काढला आहे. तर अद्याप दोन लाख २६ हजार ९७७ शेतकरी ओळख क्रमांकापासून वंचित राहिले आहेत. यासाठी जिल्ह्यात ता. २८ ऑक्टोबर ते ३१ ऑक्टोबर या कालावधीत विशेष मोहीम राबविण्याचे निर्देश जिल्हाधिकारी राहुल कर्डिले यांनी सर्व तहसीलदार यांना दिले आहेत. .शेतकरी ओळखक्रमांकाअभावी शेतकऱ्यांना विविध शासकीय लाभापासून वंचित रहावे लागत आहे. शासनाच्या नैसर्गिक आपत्ती नुकसान भरपाई मदत मिळण्यासाठी शेतकरी ओळखपत्र महत्त्वाचे आहे. त्यामुळे सर्व पात्र शेतकऱ्यांना शेतकरी ओळख क्रमांक मिळणे आवश्यक आहे. आजपर्यंत पीएम किसान लाभार्थ्यांपैकी फार्मर आयडी नोंदणीमध्ये हदगाव तालुका अव्वल आहे. या तालुक्याने ८० टक्के नोंदणी केली आहे. .Farmer ID : योजनांच्या लाभासाठी ‘फार्मर आयडी’ आवश्यक.त्यापाठोपाठ हिमायतनगर, नांदेड, मुखेड व अर्धापूर तालुक्यांत शेतकरी नोंदणीचे कामकाज बऱ्यापैकी आहे. याउलट मुदखेड, भोकर, कंधार, लोहा व किनवट या तालुक्यांची कामगिरी ७२ टक्के पेक्षा कमी असल्याचे दिसून येते. या तालुक्यांनी विशेष प्रयत्न करण्याची गरज आहे. यासाठी जिल्हाधिकाऱ्यांनी ता. २८ ऑक्टोबर ते ३१ ऑक्टोबर या कालावधीत जिल्ह्यातील गावामध्ये विशेष मोहीम राबविण्याचे निर्देश जिल्हाधिकारी राहुल कर्डिले यांनी सर्व तहसीलदार यांना दिले आहेत. .Farmer ID: बारामतीत शेतकऱ्यांचे फार्मर आयडी रखडले .यासाठी सुविधा केंद्र चालकांच्या (सीएससी) सहकार्याने विशेष मोहीम राबवून, व्यापक जनजागृती करण्याबाबत सांगितले आहे. पीक विमा, कृषी विभागाच्या विविध योजना मिळवण्यासाठी फार्मर आयडी आवश्यक करण्यात आला आहे..त्यामुळे जिल्ह्यातील सर्व पात्र शेतकऱ्यांनी जवळच्या सामाईक सुविधा केंद्रावर जाऊन ॲग्रीस्टॅक योजनेंतर्गत नोंदणी पूर्ण करून शेतकरी ओळख क्रमांक प्राप्त करून घ्यावा असे आवाहन जिल्हा प्रशासनाच्यावतीने करण्यात आले आहे.नोंदणी स्थितीएकूण शेतकरी संख्या: ७,९४,९०५नोंदणी पूर्ण शेतकरी: ५,६७,९२८वंचित शेतकरी: २,२६,९७७.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
