Sangli News: चोरट्या मार्गाने बेदाण्याची आयात करण्याऱ्या व्यापाऱ्यांचे मोठे रॅकेट आहे. प्रशासनाने या व्यापाऱ्यांवर कडक कारवाई करावी. प्रशासनाने जर कारवाई केली नाही, तर आम्ही कायदा हातात घेऊ, असा इशारा महाराष्ट्र द्राक्ष बागायदार संघाचे उपाध्यक्ष मारुती चव्हाण यांनी दिला..बेदाणा व द्राक्ष उत्पादक शेतकऱ्यांनी सांगली येथे मंगळवारी (ता. २०) मार्चा काढला. हा मोर्चा विश्रामबाग येथील क्रांतिसिंह नानापाटील यांच्या पुतळ्यापासून सुरू झाला. ‘एक है तो सेफ है, बेकायदेशीर बेदाण्यावर बंदी घाला,’ अशा घोषणा दिल्या. जिल्हाधिकारी कार्यालयासमोर मोर्चाचे सभेत रूपांतर झाले..Illegal Raisin Import: बेकायदा बेदाणा आयातदारांवर देशद्रोहाचे गुन्हे दाखल करा.सांगली येथे अफगाणिस्तानमार्गे चीनच्या निकृष्ट दर्जाच्या बेदाण्याची होणारी आयात थांबविणे. तसेच परदशेतातून भारतात येणाऱ्या बेदाण्यावर व फळांवर आयात कर आकारणे, अफगाणिस्तानमधून व्यापाऱ्यांनी आयात केलेला बेदाणा जप्त करावा. अफगाणिस्तान, चीन व इतर देशांमधून भारतात आयात होणाऱ्या बेदाण्याचा किमान ३०० रुपये किमान दर ठरवून शंभर टक्के आयात शुल्क आकारावे, यासह १७ विविध मागण्या या वेळी करण्यात आल्या..या प्रसंगी खासदार विशाल पाटील, महाराष्ट्र द्राक्ष संघाचे माजी अध्यक्ष सुभाष आर्वे, सांगली विभागीय अध्यक्ष दत्ताजीराव पाटील, क्रांती साखर कारखान्याचे अध्यक्ष शरद लाड, ‘एनएचबी’चे संचालक भीमसेन कोकरे, संचालक, सांगली, सोलापूर आणि कर्नाटकातील बेदाणा उत्पादक शेतकरी उपस्थित होते..Illegal Raisin Import: ‘ड्रॅगन’ची घातक घुसखोरी.श्री. चव्हाण म्हणाले, की गेल्या महिन्यात अफगाणिस्तानचा म्हणून चीनचा बेदाणा आणत बेदाण्याचे दर पाडण्याचा डाव व्यापाऱ्यांनी केला आहे. या बेकायदेशीर बेदाण्याचा आम्ही पर्दाफाश केला. ज्या व्यापाऱ्यांनी बेदाणा आणला त्यांच्यावर कारवाई झाली. पण बडा मासा सापडायचा आहे. त्या विरोधात जिल्हाधिकारी यांच्याकडे पुरावे दिले आहेत. त्यांच्यावर कडक कारवाईची आम्ही मागणी केली आहे..तोडगा काढू : खासदार विशाल पाटील‘‘बेदाणा, द्राक्ष उत्पादकांच्या प्रश्नांची माहिती व्यापाऱ्यांनी दिली होती. या बाबत केंद्रीय गृहमंत्री आणि वाणिज्यमंत्री यांच्यासोबत चर्चा केली आहे. लोकसभेत प्रश्न मांडला. शासन अजूनही पाहिजे तेवढे सहकार्य करत नाही. त्यामुळे येणाऱ्या अधिवेशनात पुन्हा इतर खासदारांना एकत्रित करून हा प्रश्न मांडणार आहे. राज्य शासनाकडे जाऊन आपणाला प्रश्न सोडवावे लागतील. तसेच केंद्रातील प्रश्नाबाबत प्रमुख पदाधिकाऱ्यांना सोबत घेऊन येणाऱ्या अधिवेशनात धडक मारावी लागेल. या संघर्षाला माझा पाठिंबा आहे. तुमचा हा प्रश्न म्हणजे आमचा प्रश्न आहे. या प्रश्नाबाबत तोडगा काढल्याशिवाय स्वस्थ बसणार नाही,’’ असे खासदार विशाल पाटील यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
