Buldhana News: कृषी विज्ञान केंद्राच्या वतीने शेतकरी-शास्त्रज्ञ मंचाची ३४ वी सभा तालुक्यातील सातगाव म्हसला येथे अवचितराव पालकर यांच्या शेतात आयोजित करण्यात आली. या वेळी कृषी शास्त्रज्ञ व तज्ज्ञांनी ऊस लागवड व व्यवस्थापन विषयावर मार्गदर्शन केले..या कार्यक्रमाला वरुड (धाड) येथील पैनगंगा साखर कारखान्याचे अध्यक्ष अनिल गुंजाळ, व्यवस्थापकीय संचालक श्री. म्हस्के, जिल्हा अधीक्षक कृषी अधिकारी मनोजकुमार ढगे, बुलडाणा कृषी विज्ञान केंद्राचे वरिष्ठ शास्त्रज्ञ व प्रमुख डॉ. अमोल झापे, विषय तज्ज्ञ डॉ. भारती तिजारे, प्रवीण देशपांडे, डॉ. जगदीश वाडकर, कृषी हवामान तज्ज्ञ मनेश यदुलवार, कृषी संशोधन केंद्राचे प्रमुख डॉ. दिनेश कानवडे, कृषी शास्त्रज्ञ डॉ. आशुतोष लाटकर तसेच कृषी विभागातील अधिकारी-कर्मचारी, शेतकरी शास्त्रज्ञ मंचाचे अध्यक्ष विजय भुतेकर व ग्रामस्थ मोठ्या संख्येने उपस्थित होते..Sugarcane Cultivation: पूर्वहंगामी ऊस लागवड तंत्र.श्री. पालकर यांनी प्रास्ताविकातून ऊस लागवड ही फायदेशीर शेती असल्याचे सांगून शेतकरी, शास्त्रज्ञ मंचाची भूमिका स्पष्ट केली. यानंतर डॉ. तिजारे यांनी ऊस लागवड तंत्रज्ञान, खत व्यवस्थापन व ओलित पद्धतींबाबत मार्गदर्शन केले. श्री. देशपांडे यांनी उसावरील प्रमुख किडींची ओळख व नियंत्रण उपायांची माहिती दिली..AI Farming: पूर्वहंगामी ऊस लागवड ठरेल फायदेशीर.डॉ. लाटकर यांनी ऊस रोपवाटिकेचे महत्त्व व लागवडीसाठी सुधारित पद्धतींची माहिती दिली. अनिल गुंजाळ यांनी शेती व शेतकऱ्यांच्या आर्थिक उन्नतीसाठी ऊस लागवड क्षेत्रवाढ आवश्यक असल्याचे सांगत शेती संलग्न व्यवसाय करण्याचे आवाहन केले. तसेच जिल्हा अधीक्षक कृषी अधिकारी श्री. ढगे यांनी कृषी विभागाच्या विविध योजनांची माहिती देऊन ऊस पिकाकडे वैज्ञानिक दृष्टीकोनातून पाहण्याचे आवाहन केले..सभेनंतर शेतकरी व शास्त्रज्ञ यांच्यात ऊस लागवड व व्यवस्थापन विषयक सविस्तर चर्चासत्र झाले. त्यानंतर उपस्थितांनी श्री. पालकर यांच्या ऊस प्रक्षेत्राला भेट देऊन प्रत्यक्ष निरीक्षण केले. सूत्रसंचालन श्री. यदुलवार यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
