सेंद्रिय आणि नैसर्गिक शेती उत्पादक शेतकऱ्यांची फसवणूक टाळण्यासाठी मंत्रालयात झाली बैठक केंद्र शासन प्रमाणित संस्थाकडून वितरीत करण्यात आलेल्या प्रमाणपत्रांबाबत चर्चागैरव्यवहार आढळून आल्यास कारवाई होणार.Agriculture News: राज्यातील शेतकऱ्यांना देण्यात येणाऱ्या सेंद्रिय प्रमाणपत्रांची तपासणी करण्यात येईल, असे कृषिमंत्री दत्तात्रय भरणे (Dattatray Bharane) यांनी सांगितले. राज्यातील सेंद्रिय आणि नैसर्गिक शेती उत्पादक शेतकऱ्यांची फसवणूक टाळण्यासाठी बुधवारी (दि.१५ ऑक्टोबर) मंत्रालयात बैठक झाली. या बैठकीत शेतकऱ्यांना केंद्र शासन प्रमाणित संस्थाकडून वितरीत करण्यात आलेल्या प्रमाणपत्रांबाबत चर्चा करण्यात आली. .यावेळी शेतकऱ्यांची फसवणूक होवू नये यासाठी प्राथमिक स्तरावर वितरीत करण्यात आलेल्या सेंद्रिय प्रमाणपत्रांची तपासणी करण्याचे निर्देश कृषिमंत्री भरणे यांनी दिले. तसेच, या तपासणीदरम्यान कोणत्याही प्रकारचा गैरव्यवहार आढळून आल्यास अशा संस्थाचा अहवाल केंद्र शासनाला पाठवून त्या संस्थांवर कारवाई करण्याची मागणी केंद्राकडे करणार असल्याचे त्यांनी म्हटले आहे. .Soil Fertility: उत्पादन वाढीसाठी सेंद्रिय कर्ब आवश्यक; वाचा सेंद्रिय कर्बाचे फायदे आणि टिकवण्याचे उपाय.या संस्था केंद्र शासनाच्या अखत्यारित असल्या तरी राज्य शासन शेतकऱ्यांवर कसल्याही प्रकारे अन्याय होऊन देणार नाही. शेतकरीही कायद्याचा आधार घेवून संबधित संस्थेविरूद्ध तक्रार देवू शकतात. राज्यातील शेतकऱ्यांच्या हिताविरोधातील कोणतेही कृत्य खपवून घेतले जाणार नाही, असा इशारा त्यांनी दिला आहे. .Vermicompost Making: सेंद्रिय शेतीचा पाया; गांडूळ खत बनवा आणि जमिनीस द्या नवी ताकद!.शेतीमध्ये रासायनिक खते, कीडनाशके, तणनाशकांचा मोठ्या प्रमणात वापर होत आहे. पाण्याचा अतिवापर, जमिनीची होणारी धूप, एकच पीक वारंवार घेणे, तसेच सेंद्रिय खतांचा वापर पुरेशा प्रमाणात केला जात नाही. परिणामी जमिनीचा पोत बिघडून शेतजमिनी नापीक होत चालल्या आहेत. याचा पीक उत्पादनावर परिणाम झाला आहे. यासाठी राज्यात परंपरागत कृषी विकास योजनेंतर्गत सेंद्रिय शेतीला चालना दिली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
