Nagpur News : स्पेन, इस्राईल... व्हाया विदर्भ’ हे पुस्तक संत्रा उत्पादक शेतकऱ्यांसाठी मार्गदर्शक ठरेल. या पुस्तकाच्या मदतीने नव्या प्रयोगांची तसेच आधुनिक तंत्रज्ञानाच्या वापराची प्रेरणा शेतकऱ्यांना मिळेल, असा विश्वास केंद्रीय रस्ते वाहतूक व महामार्ग मंत्री नितीन गडकरी यांनी व्यक्त केला..केंद्रीय मंत्री गडकरी यांच्या संकल्पनेतून साकारलेल्या या पुस्तकाचे प्रकाशन त्यांच्याच हस्ते अॅग्रोव्हिजन कृषी प्रदर्शनात झाले. या वेळी डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख, कृषी मूल्य आयोगाचे अध्यक्ष पाशा पटेल, भाजपचे जिल्हाध्यक्ष आनंदराव राऊत, माजी आमदार सुधीर पारवे, जयकुमार वर्मा, सतीश शिंदे, सुधीर दिवे, डॉ. विवेक भोईटे, अरविंद गजभिये, श्रीधर ठाकरे, मोरेश्वर वानखेडे यांची उपस्थिती होती..Orange Farmers: संत्रा बागांचे पंचनामे करा, नुकसान भरपाई द्या .मंत्री गडकरी म्हणाले, ‘‘या पुस्तकात इस्राईल, स्पेन आणि विदर्भातील पारंपरिक संत्रा लागवडीबाबत अभ्यासकांनी तुलनात्मक निरीक्षण मांडले आहे. काही महिन्यांपूर्वी विदर्भातील ४० संत्रा उत्पादकांचा गट स्पेन येथील व्हॅलेन्शिया संत्रा लागवडीचा अभ्यास करण्यासाठी गेला होता. मी स्वतः या शेतकऱ्यांसोबत दौऱ्यावर होतो. व्हॅलेन्शिया येथील संत्रा लागवडीची पद्धत, येथील नर्सरी, पॅकेजिंग, ब्रँडिंग, मार्केटिंग इतर अनेक गोष्टींची इत्थंभूत माहिती आम्ही घेतली..स्पेनवरून आल्यानंतर आम्ही एक कार्यशाळा देखील नागपुरात घेतली. यामध्ये जवळपास चारशे संत्रा उत्पादक सहभागी झाले होते. त्यानंतर इस्राईल, स्पेन आणि विदर्भातील पारंपरिक संत्रा लागवडीच्या संदर्भात तंत्रशुद्ध निरीक्षणे मांडणारी माहिती पुस्तक रूपात यावी, अशी कल्पना होती. त्यानुसार हे पुस्तक आज शेतकऱ्यांच्या हाती देताना आनंद होत आहे.’’.Orange Farmers: संत्रा बागायतदारांना आर्थिक मदत द्या .टँगो संत्रा, नागपुरी संत्र्याची निर्यात क्षमता, इंडो-इस्राईल संत्रा लागवड, संत्रा उत्पादनात कृत्रिम बुद्धिमत्तेचा (AI)चा वापर, हवामान बदलाचे परिणाम, फळ व्यवस्थापन, पाणी व्यवस्थापन, हार्वेस्टिंग, प्रोसेसिंग, मार्केटिंग, छाटणीचे तंत्रज्ञान याची माहिती एका पुस्तकात मिळावी, अशी इच्छा होती. त्यानुसार या पुस्तकात आम्ही स्पेन, इस्राईल आणि विदर्भातील संत्रा लागवडीचे सध्याचे चित्र मांडले आहेच..शिवाय कोणत्या नव्या बदलांची गरज आहे, हे सांगताना ‘एआय’चा कसा फायदा होऊ शकतो हे देखील तांत्रिक निकषांचा आधार घेऊन मांडले आहे. त्याचवेळी वाशीमसारख्या आकांक्षी (अस्पायरन्ट) जिल्ह्यासह वऱ्हाडात संत्रा उत्पादकांनी केलेले यशस्वी प्रयोगही यात आहेत, असे मंत्री गडकरी म्हणाले. सूत्रसंचालन नितीन कुळकर्णी यांनी केले. .या पुस्तकाचे संकलन-संपादन नितीन नायगांवकर यांनी केले आहे. तर मंत्री गडकरी यांचे सहायक खासगी सचिव डॉ. प्रवीण भालेराव यांचे तांत्रिक मार्गदर्शन लाभले आहे. नितीन कुळकर्णी यांनी संपादकीय समन्वयाची भूमिका पार पाडली. पुस्तकाचे मुखपृष्ठ, सजावट व मांडणी राजेंद्र क्षीरसागर यांची आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
