Orange Market : यंदाच्या अति सततच्या पावसाचा मोठा परिणाम सर्वच शेतमालासोबत संत्र्याला देखील बसला आहे. आंबट- गोड चवीसाठी प्रसिद्ध नागपूर संत्र्याची आवकही पुणे बाजार समितीत घटली आहे. त्यातच आता परराज्यांसह विविध देशांमधून संत्र्यांची आवक वाढू लागली आहेत. त्यामुळे नागपुरी संत्र्याला स्पर्धा निर्माण होत आहे. सध्याच्या थंडीच्या काळात पुणे बाजार समितीतील संत्रा हंगामाचा घेतलेला थोडक्यात आढावा..स ध्या थंडीचा काळ सुरू असून या काळात विविध फळांची आवक बाजारपेठेत दिसून येत आहे. यात संत्र्याचा मुख्य हंगाम आहे. पुणे कृषी उत्पन्न बाजार समितीमध्ये नागपूरसह अहिल्यानगर, राजस्थान आदी भागांमधून संत्र्याची आवक होत आहेच. .Orange Variety : नागपुरी संत्र्याचा दर्जा सुधारण्यासाठी ९ कोटी.मात्र परदेशामधूनही येथील बाजारपेठेत संत्री दाखल झाली आहेत. यंदा मेपासून पाऊस सुरू झाला होता. तो सातत्याने ऑक्टोबरपर्यंत पडत राहिला. नागपुरी संत्र्याला त्यामुळे मोठा फटका बसला. यात संत्र्यांची फळगळ झाली..किडी रोगांचा प्रादुर्भाव झाला. सुमारे ५० टक्क्यांपर्यंत बागांचे नुकसान झाले.फळांमध्ये रंग व गोडी उतरण्यावरही परिणाम झाला. त्यामुळे पुणे बाजार समितीत आवक घटल्याचे मुख्य अडतदार करण जाधव यांनी सांगितले..नागपुरी संत्र्यांचा हंगाम ऑक्टोबरच्या मध्यावर सुरू होऊन डिसेंबर जानेवारीपर्यंत चालतो. मात्र यंदा फळगळ वाढू लागल्याने शेतकऱ्यांनी काढणीचे नियोजन लवकर केले. झाडांवर फळेच शिल्लकच राहिली नसल्याने १५ डिसेंबरपर्यंतच हंगाम संपेल अशी शक्यता व्यापाऱ्यांनी व्यक्त केली आहे. राजस्थानातून नोव्हेंबरच्या मध्यावर संत्र्याची आवक सुरू होते. .ती दैनंदिन ३० टनांपर्यंत व प्लॅस्टिक क्रेटमधून होते. बाजार समितीत आल्यानंतर त्याची पुन्हा प्रतवारी होऊनच मग विक्री केली जाते. त्यांची विक्री प्रति किलोवर होते. यावेळी साधारण ३० ते ८० रुपये प्रति किलो दर असतो. .Orange Rate : संत्र्याचा गोडवा जगभर पोहोचवा.या संत्र्यांचा हंगाम डिसेंबर अखेरपर्यंत असतो. प्रमुख अडतदार सोनू ढमढेरे म्हणाले की सततच्या पावसाचा फटका अहिल्यानगर जिल्ह्यातील संत्र्यांनाही बसला आहे. तेथून दररोज २५ ते ३० टन आवक असून ३० ते १०० रुपये प्रति किलो दर मिळत आहे..आयात संत्र्यांची स्पर्धास्थानिक संत्र्यांची आता चीन, दक्षिण आफ्रिका, ऑस्ट्रेलिया, इजिप्त, न्यूझीलंड, चिली आदी देशांमधील संत्र्यांसोबत स्पर्धा सुरू झाली आहे. प्रमुख विक्रेते सूरज नवलदे म्हणाले की एकसारखा आकार, चवीला आंबट- गोड, टिकवणक्षमता, आकर्षक सीलबंद क्रेट पॅकिंग अशी परदेशी संत्र्यांची वैशिष्ट्ये आहेत. . ग्राहकांकडून त्यास चांगली मागणी असून उपनगरांमधील फळविक्रेते आवर्जून त्यांची खरेदी करताना दिसत आहेत. शीत कंटेनर व क्रेटमधून आयात होत असल्याने त्यांचा दर्जा टिकून असतो..पुणे बाजार समिती- संत्रा मार्केटनागपुरी संत्र्याची लाकडी बॉक्समधून, राजस्थानी संत्र्याची प्लॅस्टिक क्रेट तर परदेशी संत्र्याची कोरूगेडेट बॉक्स आणि प्लॅस्टिक सीलबंद क्रेटमधून आवक होत आहे..सध्याची दररोजची आवकनागपूर संत्रा ८०० ते ८५० क्रेट (सुमारे ३० टन)राजस्थान संत्रा ५०० ते ७०० क्रेट (सुमारे २० टन)आयात संत्रा बाजारपेठेतील मागणीनुसार- १५०० क्रेट (दीड टन).दरनागपुरी संत्रा ८ ते १४ डझन(२० ते २३ किलो) ५०० ते एकहजार रुपयेराजस्थानी संत्रा प्रति किलो ३० ते ८० रुपयेपरदेशी संत्रा प्रति १० किलोचा क्रेट १ हजार ८०० ते २ हजार २०० रुपये.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
