CBI Inquiry : नाशिक नाफेड आणि राष्ट्रीय सहकारी ग्राहक महासंघाच्या (एनसीसीएफ) माध्यमातून गेल्या पाच वर्षांत झालेल्या कांदा खरेदीची सक्तवसुली संचालनालय (ईडी) आणि केंद्रीय अन्वेषण विभागामार्फत (सीबीआय) सखोल चौकशी करावी, अशी मागणी अखिल भारतीय कुर्मी क्षत्रिय महासभेने केली आहे. यासंदर्भात महासभेने पंतप्रधान कार्यालयाकडे (पीएमओ) तक्रार केली आहे..परराज्यातील निकृष्ट दर्जाचा कांदा महाराष्ट्रात आणून स्थानिक शेतकऱ्यांच्या नावावर खरेदी दाखविली जात असल्याचा गंभीर आरोप महासभेने केला आहे. कांदा खरेदीसाठी थेट लाभ हस्तांतरणाद्वारे (डीबीटी) शेतकऱ्यांच्या खात्यांत जमा झालेल्या निधीचे स्वतंत्र लेखापरीक्षण करावे, अशीही मागणी करण्यात आली आहे..FPC Success Story: छोट्या गावातील ‘केजीएएफ’ची परराज्यांपर्यंत झेप .नाफेड व एनसीसीएफच्या कांदा खरेदीतील वाहतूक, लोडिंग आणि इतर व्यवहारांतील कथित गैरव्यवहारांची चौकशी करावी. तसेच केंद्रीय वखार महामंडळाच्या गोदामांमध्ये साठविलेल्या निकृष्ट दर्जाच्या कांद्याची तातडीने तपासणी करून दोषींवर कारवाई करावी, अशी मागणी तक्रारीत करण्यात आली आहे..Water Conservation: जलस्रोतांच्या पुनरुज्जीवनासाठी धडपडणारा विशाल.कांदा खरेदी अधिक पारदर्शक करण्यासाठी ती थेट कृषी उत्पन्न बाजार समित्यांमधून करावी. खरेदी प्रक्रियेत उत्कृष्ट काम करणाऱ्या शेतकरी उत्पादक कंपन्या आणि सहकारी संस्थांचा योग्य सन्मान करावा, अशीही महासभेची भूमिका आहे..अखिल भारतीय कुर्मी क्षत्रिय महासभेचे प्रदेशाध्यक्ष संजय हंडोरे पाटील म्हणाले, ‘‘परराज्यातील निकृष्ट दर्जाचा कांदा महाराष्ट्रात आणून स्थानिक शेतकऱ्यांच्या नावावरील खातेउतारे वापरून तो स्थानिक शेतकऱ्यांचा कांदा असल्याचे भासविले जात आहे. त्यामुळे केंद्र सरकारची दिशाभूल होत असून खरी परिस्थिती लपविली जात आहे.’.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
