Dharashiv News: पंतप्रधान पीकविमा योजनेतील १२ हजार ५७५ अर्जांना पुन्हा संधी २३ जानेवारीपूर्वी त्रुटी दुरुस्ती करण्याचे आवाहन करण्यात आले आहे. यासाठी सात दिवसांची मुदत देण्यात आली आहे..पंतप्रधान पीकविमा योजनेअंतर्गत खरीप हंगामात एकूण १२ हजार ५७५ पीकविमा अर्ज विमा कंपनीमार्फत विविध कारणांमुळे रद्द करण्यात आले होते तर १३ हजार ५३९ विमा अर्ज त्रुटी पूर्ततेसाठी ऑनलाइन सेवा केंद्रांकडे परत करण्यात आले होते. या प्रकरणी जिल्हाधिकाऱ्यांच्या अध्यक्षतेखाली जिल्हास्तरीय तक्रार निवारण समितीची बैठक २२ डिसेंबर २०२५ रोजी पार पडली. या बैठकीत जिल्हाधिकाऱ्यांनी रद्द झालेल्या १२ हजार ५७५ विमा अर्जदारांना योजनेत सहभाग नोंदविण्यासाठी एक संधी उपलब्ध करून देण्याच्या दृष्टीने विमा कंपनीने अर्ज त्रुटी पूर्ततेसाठी ऑनलाइन सेवा केंद्रांकडे परत करण्याचे निर्देश दिले..Crop Insurance: पीकविम्याचे प्रलंबित २.३५ कोटी रुपये शेतकऱ्यांना अदा करा .यामुळे शेतकऱ्यांना ऑनलाइन सेवा केंद्रामार्फत आवश्यक त्रुटी दुरुस्त करून योजनेतील सहभाग कायम ठेवता येणार आहे. त्या अनुषंगाने विमा कंपनीने खरीप हंगामात रद्द करण्यात आलेले १२ हजार ५७५ विमा अर्ज १६ जानेवारीला ऑनलाइन सेवा केंद्रांकडे परत केले असून, त्या विमा अर्जांच्या तालुकानिहाय याद्या तालुका कृषी अधिकारी कार्यालयांना उपलब्ध करून देण्यात आलेल्या आहेत..Kharif Crop Insurance: हेक्टरी १७५०० रुपये विमा भरपाई शेतकऱ्यांना मिळणार का? .विमा अर्जांच्या त्रुटी पूर्ततेसाठी केवळ सात दिवसांची मुदत देण्यात आली आहे. त्यामुळे ज्या शेतकऱ्यांचे पीक विमा अर्ज रद्द झालेले आहेत, त्यांनी ज्या ऑनलाइन सेवा केंद्रामार्फत पीक विमा अर्ज भरलेला आहे, त्या ऑनलाइन सेवा केंद्राशी तातडीने संपर्क साधून आवश्यक कागदपत्रांसह २३ जानेवारीपूर्वी आपल्या विमा अर्जाची त्रुटी पूर्तता करून घ्यावी अन्यथा संबंधित विमा अर्ज रद्द होण्याची शक्यता आहे..‘तातडीने पूर्तता करा’शेतकऱ्यांनी अंतिम मुदतीची वाट न पाहता तातडीने संबंधित ऑनलाइन सेवा केंद्राशी संपर्क साधून आपल्या पीक विमा अर्जातील त्रुटी आवश्यक कागदपत्रांसह दुरुस्त करून घ्याव्यात, असे आवाहन जिल्हा अधीक्षक कृषी अधिकाऱ्यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
