Kolhapur News: ‘काजूची योग्य पद्धतीने लागवड, बागांचे शास्त्रीय पद्धतीने व्यवस्थापन, कीड व रोगाचे नियंत्रण यातून शेतकऱ्यांना आर्थिक उत्पन्न वाढविण्याची संधी आहे,’ असे प्रतिपादन आनंदराव आबिटकर कृषी महाविद्यालय, पाल गारगोटीचे वरिष्ठ प्राध्यापक डॉ. पांडुरंग मोहिते यांनी केले..वेळवट्टी (ता. आजरा) येथे प्रगतिशील शेतकरी अजित प्रभू यांच्या काजू बागेमध्ये ‘फलोत्पादन पिकावरील कीड व रोग सल्ला प्रकल्पा’ (हॉर्टसॅप) अंतर्गत शेतकऱ्यांसाठी प्रशिक्षण कार्यक्रम झाला. या वेळी काजू पिकाबाबत डॉ. मोहिते यांनी मार्गदर्शन केले. गडहिंग्लजचे उपविभागीय कृषी अधिकारी किरण पाटील अध्यक्षस्थानी होते..Cashew Farming: नवीन काजू बागेत अन्नद्रव्ये व्यवस्थापनावर भर.तालुका कृषी अधिकारी भूषण पाटील यांनी स्वागत केले. त्यांनी प्रास्ताविकात शेतकरी प्रशिक्षणाचा हेतू स्पष्ट केला. ‘‘तालुक्यात काजू पिकाखाली मोठे लागवड क्षेत्र आहे. दरवर्षी काजू पिकातून मोठ्या प्रमाणात शेतकऱ्यांना आर्थिक उत्पन्न मिळते. .Cashew Farming: काजू उत्पादकांवर दुहेरी संकट! करपलेला मोहर आणि कीड प्रादुर्भावाने नुकसान.या पिकाबाबत शेतकऱ्यांमध्ये जागरूकता तयार व्हावी. शास्त्रोक्त पद्धतीने लागवड व काजू बागांचे व्यवस्थापन व्हावे यासाठी प्रशिक्षण आयोजित केले आहे,’’ असे त्यांनी सांगितले. डॉ. मोहिते यांनी, काजू पिकावरील कीड व रोग नियंत्रण, विविध किडी व त्यांची ओळख व नियंत्रण याबाबत मार्गदर्शन केले. .डॉ. धनाजी राणे, सुरेश देसाई, काजू उत्पादक शेतकरी उपस्थित होते. मंडल कृषी अधिकारी प्रदीप माळी यांनी सूत्रसंचालन केले. सहायक कृषी अधिकारी स्वप्नील कमते यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
