Ahilyanagar News: पशुपालकांच्या गोठ्यात आता कालवडीच जन्म घेणार आहेत. गेल्या दोन महिन्यांपासून पशुपालकांना कृत्रिम रेतनासाठी लिंग निर्धारित रेतमात्रांची उपलब्धता करून देण्यात आली आहे. यासाठी जिल्हा नियोजनमधून एक कोटी रुपयांचा निधी देण्यात आला होता. त्यातून हा प्रयोग राबविला जात आहे..राज्यात सर्वाधिक दूधउत्पादन करणारा जिल्हा म्हणून अहिल्यानगरची ओळख आहे. या नव्या तंत्रज्ञानामुळे पशुपालकांना मोठा लाभ होणार आहे. सध्या जिल्ह्यात १७ हजार ३९१ रेतमात्रा उपलब्ध आहेत. मागणी वाढल्यानंतर आणखी रेतमात्रा तालुकास्तरावर उपलब्धकरून देण्याचे पशुसंवर्धन विभागाचे नियोजन आहे, अशी माहिती उपायुक्त डॉ. उमेश पाटील यांनी दिली..Artificial Insemination: कृत्रिम रेतनाने जन्मली ६७ लाख वासरे.लिंग निर्धारित रेतमात्रेमुळे गाईच्या वासराचे लिंग आधीच ठरवता येते. या तंत्रज्ञानामुळे सुमारे ९० ते ९५ टक्के कालवडी जन्मण्याची शक्यता असते. दुग्धव्यवसायासाठी कालवड महत्त्वाची असल्याने हे तंत्रज्ञान पशुपालकांसाठी उपयुक्त आहे. नर वासरांमुळे संगोपनाचा खर्च वाढतो. तो भार कमी करण्यासाठी आणि उत्पादनक्षम जनावरांची संख्या वाढवण्यासाठी लिंग निर्धारित रेतमात्रा उपयोगी ठरणार आहेत..Artificial Insemination Training : गाई-म्हशींच्या कृत्रिम रेतनासंबंधी प्रशिक्षण.या तंत्रज्ञानाच्या वापरामुळे पशुधनाची विदेशी रक्त टक्केवारी सुधारण्यास मदत होत आहे. पशुपालकांचा खर्च कमी होऊन दूध उत्पादन व उत्पन्नात वाढ होण्यास मदत मिळणार आहे. या नव्या तंत्रज्ञानाचा जास्तीत पशुपालकांना लाभ व्हावा, यासाठी जिल्हा नियोजन समितीतून (सन २०२५-२६) एक कोटींचा निधी पालकमंत्री राधाकृष्ण विखे पाटील यांच्या पुढाकारातून मिळाला आहे..गीर , मुऱ्हा आणि एचएफ या जनावरांसाठी लिंग निर्धारित रेतमात्रा जिल्हा कृत्रिम रेतन केंद्रात उपलब्ध आहे. या योजनेचा लाभ घेण्यासाठी पशुपालकांनी जवळच्या पशुवैद्यकीय दवाखान्याशी संपर्क करावा.-डॉ. अरुण हरिश्चंद्रे, सहायक आयुक्त, जिल्हा कृत्रिम रेतन केंद्र..जिल्ह्यातील दुग्धव्यवसाय अधिक फायदेशीर होण्यासाठी पशुसंवर्धन विभागामार्फत लिंग निर्धारित रेतमात्रा या आधुनिक तंत्रज्ञानाचा वापर करण्यात येत आहे. याचा पशुपालकांना फायदा होणार आहे.- डॉ. उमेश पाटील, जिल्हा उपायुक्त, पशुसंवर्धन व दुग्धव्यवसाय..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
