Solapur News: सोलापूर जिल्ह्यात रब्बी हंगामातील पेरण्यांवर यंदाच्या अतिवृष्टीचा आणि नंतर पुन्हा झालेल्या पावसाचा मोठा परिणाम दिसून आला आहे. वाफसा मिळण्यात झालेल्या विलंबामुळे पेरणीची गती मंदावली असून ज्वारी, गहू आणि हरभरा या पिकांच्या पेरणीचा टक्का अपेक्षेपेक्षा कमी आहे..ज्वारीचे जिल्ह्यातील सरासरी दोन लाख ७५ हजार ८८ हेक्टर क्षेत्र आहे. मात्र आतापर्यंत केवळ एक लाख २१ हजार ६५४ हेक्टर क्षेत्रावरच म्हणजे सरासरीच्या ४४ टक्के पेरणी झाली आहे. गतवर्षी याच काळात ज्वारीची पेरणी ५७ टक्क्यांवर होती. त्यामुळे यंदा ज्वारी क्षेत्रात घट झाली. ज्वारीऐवजी शेतकरी गहू, हरभरा आणि मका या पर्यायी पिकांकडे वळले आहेत..Rabi Jowar Sowing: पुणे विभागात अवघी ४२ टक्के ज्वारी पेरणी.गहू पेरणी सरासरीच्या २२.९७ टक्के, तर हरभरा पेरणी ४९.९ टक्क्यांवर पोहोचली. यातील हरभरा पेरणीला अजूनही अवकाश असल्याने पुढील काही दिवसांत गती वाढण्याची शक्यता कृषी विभागाने व्यक्त केली..Jowar Sowing: पुणे विभागात अवघी ४२ टक्के ज्वारी पेरणी.दरम्यान, मका पीक पेरणीने मात्र चांगली गती घेत सरासरीच्या ९५ टक्क्यांवर पेरणी गाठली आहे, हे विशेष. यंदा पावसाचे प्रमाण समाधानकारक असल्याने जमिनीत पुरेशी ओल आहे. त्यामुळे पुढील काळात थंडी वाढल्यास गहू–हरभरा पेरणीत वाढीची अपेक्षा कृषी विभागाने व्यक्त केली आहे..यंदाचा चांगला पाऊस आणि जमिनीतील योग्य ओलावा पाहता रब्बी हंगाम चांगला जाईल. गहू आणि हरभरा पेरणीला अद्याप वेळ आहे. त्यामुळे या पिकांचे क्षेत्र निश्चितच वाढेल.शुक्राचार्य भोसले, जिल्हा अधीक्षक कृषी अधिकारी, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
