Nashik News: कांद्याला दर कमी मिळत असल्याने बुधवारी (ता.१०) शेतकरी व प्रहार शेतकरी संघटनेच्या कार्यकर्त्यांनी चांदवड उपविभागीय अधिकारी कार्यालयावर धडक दिली. या वेळी थेट दालनात कांदा ओतून ठिय्या आंदोलन केले. केंद्राचे धोरण, हस्तक्षेप याबाबत जाब विचारत संताप व्यक्त केला..देवळा बाजार समितीमध्ये सांगवी (ता.देवळा) येथील शेतकरी हरिसिंग ठोके यांचा ५० एमएम दर्जेदार कांद्याला अवघी १० रुपयांची बोली लागली होती. त्यामुळे संतप्त शेतकऱ्याने थेट कांद्याचा भरलेला ट्रॅक्टर प्रांत कार्यालयाच्या प्रवेशद्वारासमोर आणून लावला. तसेच शेतकरी व प्रहार शेतकरी संघटनेच्या कार्यकर्त्यांनी धडक देत तीव्र आंदोलन छेडले. यावेळी शेतकऱ्यांनी शर्टची ओटी करून अधिकाऱ्यांच्या दालनात कांदे ओतले..Farmer Protest: कर्जमुक्त होईपर्यंत शेतकरी घर, शेतांवर लावणार काळे झेंडे.‘‘सरकारच्या धोरणामुळे आमच्यावर कर्ज होत असून, ते कर्ज पुन्हा आम्हालाच फेडायचे आहे. मग आम्ही विष पिणार नाही तर काय करणार? आताही उत्पादन खर्चाच्या उणे २० रुपये किलो कांदा विक्री करीत आहोत. महसूलमंत्री चंद्रशेखर बावनकुळे, पणनमंत्री जयकुमार रावल यांनी चांगल्या दराने कांदा थेट बाजारातून खरेदी करण्याचे आश्वासन दिले होते. अद्यापही यावर कुठलाही निर्णय झाला नाही..Onion Prices : कांद्याचे भाव पडल्याने शेतकऱ्यांच्या डोळ्यात अश्रू; आंध्र प्रदेश सरकारने घेतला मोठा निर्णय.जो कांदा २५ ते ३० रुपयांनी विकला जाणार होता, तोच कांदा आता १० रुपये किलो विकला जातो आहे. आमचे घोडे तुम्हीच मारले आहेत. त्यामुळे आमचे घोडे तुमच्याच कार्यालयात आणून सुधारून घेणार, हे आम्ही ठणकावून सांगायला आलो आहोत,’’ अशा शब्दात प्रहार जनशक्ती पक्षाचे जिल्हाध्यक्ष गणेश निंबाळकर यांनी संताप व्यक्त केला..या वेळी उपविभागीय अधिकारी कैलास कडलग, तहसीलदार मंदार कुलकर्णी, सहाय्यक निबंधक सविता शेळके आदी उपस्थित होते. त्यांना कांदा दाखवीत ‘‘सांगा, हा कांदा दहा रुपये किलोचा आहे का?’’ असा सवाल शेतकऱ्यांनी केला. या परिस्थितीला सरकारचा हस्तक्षेप जबाबदार आहे. त्यामुळे थेट विभागीय आयुक्त, सचिव व मंत्र्यांकडे व्हिडिओ कॉलद्वारे वस्तुस्थिती दाखवा, अशी मागणी करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
