Farmers Allege Seed Fraud: कांदा बियाणे खरेदी व्यवहारात शेतकऱ्यांची फसवणूक झाल्याचा आरोप करत संबंधित बियाणे उत्पादक कंपन्यांविरुद्ध गुन्हा दाखल करून करारानुसार शेतकऱ्यांना देय रक्कम मिळवून द्यावी, अशी मागणी क्रांतिकारी शेतकरी संघटनेने जिल्हा अधीक्षक कृषी अधिकाऱ्यांकडे निवेदनाद्वारे केली आहे..संघटनेने दिलेल्या निवेदनानुसार, जालना जिल्ह्यातील दोन कंपन्यांनी कांदा बियाण्यासाठी प्रति क्विंटल ५० हजार रुपये दर देण्याचे आश्वासन दिले होते. त्यानुसार अनेक शेतकऱ्यांनी कांदा बियाणे संबंधित कंपन्यांकडे सुपूर्द केले. बियाण्याची उगवणक्षमता प्रयोगशाळेत तपासून दोन दिवसांत अहवाल देऊ, असे कंपनीच्या प्रतिनिधींनी सांगितले होते. मात्र त्यानंतर शेतकऱ्यांना वारंवार टाळाटाळीची उत्तरे देण्यात आल्याचा आरोप करण्यात आला आहे..Onion Procurement Scam: कांदा खरेदीत घोटाळा?.निवेदनात म्हटले आहे, की सुमारे दोन महिन्यांनंतर संबंधित बियाण्याची उगवणक्षमता नसल्याचे कारण पुढे करण्यात आले. याबाबत शेतकऱ्यांनी जाब विचारला किंवा तक्रार करण्याचा प्रयत्न केल्यास त्यांना धमकावले जात असल्याचाही आरोप करण्यात आला आहे. हा संपूर्ण प्रकार संगनमताने केलेल्या फसवणुकीचा असल्याचा संशयही संघटनेने व्यक्त केला आहे..NAFED Onion Procurement: कांदा खरेदीचा ‘वांदा’!.या प्रकरणाची सखोल चौकशी करून संबंधित कंपन्या व दोषी व्यक्तींविरुद्ध तातडीने गुन्हा दाखल करावा, शेतकऱ्यांकडील करारपत्रे व इतर कागदपत्रांची पडताळणी करावी, तसेच करारानुसार कांदा बियाण्याची संपूर्ण रक्कम शेतकऱ्यांच्या बँक खात्यात जमा करण्याचे आदेश संबंधित कंपन्यांना द्यावेत, अशी मागणी निवेदनात करण्यात आली आहे..हे निवेदन क्रांतिकारी शेतकरी संघटनेच्या वतीने नितीन राजपूत, विनायक सरनाईक, रवींद्र तुपकर, अनंत तुपकर, हरिदास आसाबे, श्रीधर गवई आदींनी जिल्हा अधीक्षक कृषी अधिकारी संतोष डाबरे यांना दिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
