Nashik News : ‘नाफेड’ आणि ‘एनसीसीएफ’ने खरेदी केलेला ३ लाख टन कांदा सप्टेंबर महिन्यातच विकण्याचे नियोजन सुरू असल्याचे समजते. असे झाल्यास कांद्याचे भाव पडतील. जेव्हा ग्राहकांना गरज असेल तेव्हा कांदा शिल्लक राहणार नाही. म्हणून सरकारने ‘बफरस्टॉक’ मधील कांदा विकण्याची घाई करू नये, अशी मागणी स्वतंत्र भारत पक्षाचे राष्ट्रीय अध्यक्ष अनिल घनवट यांनी पत्राद्वारे ग्राहक व्यवहार मंत्रालयाकडे केली आहे..केंद्र शासनाच्या ग्राहक व्यवहार मंत्रालयाने किंमत स्थिरीकरण योजनेअंतर्गत ‘नाफेड’ व ‘एनसीसीएफ’या संस्थांमार्फत ३ लाख टन कांदा खरेदी केला. योजनेचा हेतू कांद्याचे भाव पडले असताना सरकारने कांदा खरेदी करून कांद्याचे भाव स्थिर ठेवणे आणि जेव्हा कांद्याचा तुटवडा असेल तेव्हा ग्राहकांना कमी दरात हा कांदा उपलब्ध करून देणे आहे. मात्र यंदाची खरेदी सुरुवातीपासूनच वादग्रस्त राहिल्याचा मुद्दा देखील त्यांनी मांडला आहे..Onion Market: आंध्र सरकारकडून कांद्याची १,२०० रुपयांना खरेदीची तयारी.जेव्हा तुटवडा निर्माण होतो आणि कांद्याचे दर वाढतील, तेव्हा ग्राहकांना कमी दरात कांदा उपलब्ध व्हावा यासाठी साठवला जातो. सध्या कांद्याचा पुरवठा पुरेसा आहे. तसेच दर ही सामान्य आहेत. अशा परिस्थितीत ‘बफरस्टॉक’मधील कांदा विकण्याची घाई करण्यात काही तथ्य नाही. कांद्याला मिळणारा दर समाधानकारक नाही. .Onion Payment Delay: कांद्याच्या पैशांसाठी सणासुदीला वणवण.त्यातच हा कांदा बाजारात पाठवला तर कांद्याचे दर आणखी कोसळण्याची शक्यता आहे. साधारण ऑक्टोबरपासून कांद्याचा तुटवडा येण्यास सुरुवात होते. आताच साठवलेला कांदा विकला तर तेजीच्या वेळेस पुरवठा करण्यासाठी कांदा शिल्लक राहणार नाही. असे केल्यास ना शेतकऱ्यांचा फायदा ना ग्राहकांचा, अशी स्थिती होईल, असे नमूद केले आहे..घोटाळा लपविण्यासाठी कांदा विकण्याची घाईकांदा खरेदीत झालेला घोटाळा लपविण्यासाठी कांदा विकण्याची घाई केली जात आहे, अशी शंका व्यक्त केली जात आहे. कांदा खरेदी करणाऱ्या शेतकरी उत्पादक संघांना कांदा साठवण्याचे चाळीचे भाडे दिले जाते. .यावर्षी मुळात कांदा खरेदीच उशिरा सुरू झाली आणि लगेच कांदा विकला तर साठवणुकीचे भाडे विनाकारणच द्यावे लागणार आहे. तसेच कांदा विकणाऱ्या शेतकऱ्यांना ७२ दिवसांत कांद्याचे पैसे दिले पाहिजे. खरेदीत तक्रारी झाल्यामुळे पैसे शेतकऱ्यांच्या खात्यावर वर्ग केले गेले नाहीत. ज्या खरेदी केंद्रात काही गैरप्रकार आढळून आले नाहीत त्यांचे पैसे दिले पाहिजेत, अशी मागणी देखील करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
