Maharashtra Onion Procurement Problems: कांदा उत्पादकांना दिलासा देण्याच्या गाजावाजात सुरू करण्यात आलेली केंद्र सरकारची किंमत स्थिरीकरण निधी योजना प्रत्यक्षात पूर्णपणे कोलमडल्याचे चित्र समोर आले आहे. तब्बल दोन लाख टन कांदा खरेदीचे उद्दिष्ट जाहीर करूनही महिनाभरात अवघ्या अर्धा टक्क्यांपेक्षाही कमी खरेदी झाल्याने केंद्राची संपूर्ण यंत्रणा अपयशी ठरल्याची तीव्र प्रतिक्रिया उमटत आहे..केंद्र सरकारने ‘नाफेड’ आणि ‘एनसीसीएफ’ यांना प्रत्येकी एक लाख टन कांदा खरेदीचे उद्दिष्ट दिले आहे. १५ मेपासून खरेदीला सुरुवात झाली. मात्र मिळालेल्या माहितीनुसार, १५ जूनपर्यंत ‘नाफेड’कडून अवघी २७० टन, तर ‘एनसीसीएफ’कडून फक्त २०० टन कांदा खरेदी झाल्याचे समोर आले आहे. उद्दिष्टाच्या तुलनेत ही खरेदी केवळ ०.०२५ टक्के आहे..Onion Procurement Delay: केंद्राच्या कांदा खरेदीचा बोजवारा; शेतकऱ्यांमध्ये नाराजी.केंद्रीय कृषिमंत्री शिवराजसिंह चौहान आणि मुख्यमंत्री देवेंद्र फडणवीस यांनी सातारा येथे १५ मे रोजी कांदा खरेदीची घोषणा केली होती. त्यावेळी सुरुवातीला १२३५ रुपये प्रति क्विंटल दर जाहीर करण्यात आला. त्यानंतर प्रतिसाद न मिळाल्याने ग्राहक व्यवहार विभागाने २५ मे रोजी १५८० रुपये, तर तिसऱ्यांदा १२ जून रोजी प्रति क्विंटल १६५० रुपये दर जाहीर केला. मात्र, तरीही बाजार समित्यांमध्ये खुल्या लिलावात कांद्याच्या प्रतवारीनुसार मिळणाऱ्या दराशी हा दर स्पर्धात्मक नसल्याने शेतकऱ्यांनी सरकारी खरेदीकडे पाठ फिरवली आहे..Onion Farmer Crisis: कांदा खरेदीनंतरही शेतकऱ्यांच्या नशिबी पेमेंटसाठी प्रतीक्षाच.उद्दिष्ट विरुद्ध प्रत्यक्ष खरेदीएकूण खरेदी उद्दिष्ट २ लाख टनदेण्यात आलेली अंतिम मुदत ३० जूनदररोज अपेक्षित खरेदी ४५०० टनांपेक्षा अधिकमहिनाभरातील प्रत्यक्ष खरेदी (ता. १५ जूनअखेर) ४७० टन.‘नाफेड’ व ‘एनसीसीएफ’ यांच्याकडून शेतकऱ्यांची निव्वळ फसवणूक सुरू आहे. कांदा विक्रीस नेल्यानंतर १०० कांद्यांमधून फक्त दहा कांदे घेतले जातात. त्यामुळे शेतकऱ्यांना या खरेदीचा काहीही फायदा होत नाही. दीपक खैरनार, शेतकरी, आखातवाडे, ता. बागलाण.खरेदी करताना बऱ्याचदा शेतकऱ्यांचा माल नाकारला जात आहे. जोपर्यंत शासकीय खरेदीचे दर खुल्या बाजारातील तेजीशी सुसंगत होत नाहीत आणि खरेदी प्रक्रिया अधिक सुटसुटीत होत नाही, तोपर्यंत शेतकरी खुल्या बाजारालाच प्राधान्य देणार. ऋषिकेश दौंड, शेतकरी, लोणवाडी, ता. निफाड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
