Onion Rate Meeting Controversy: कांद्याच्या दरप्रश्नी शनिवारी (ता. ३०) खेड कृषी उत्पन्न बाजार समितीच्या महात्मा फुले बाजार आवारात आयोजित बैठकीत शेतकरी संघटनांच्या नेत्यांमध्ये जोरदार शाब्दिक वाद झाला. या प्रकारामुळे शेतकऱ्यांच्या प्रश्नांवरील बैठक काही काळ राजकीय आखाड्यात परिवर्तित झाल्याचे चित्र पाहायला मिळाले..कांद्याचे दर कोसळल्याने शेतकरी आर्थिक संकटात सापडले आहेत. कांद्याला किमान २४ रुपये प्रति किलो हमीभाव द्यावा, निर्यात निर्बंध पूर्णपणे हटवावेत आणि उत्पादकांना दिलासा द्यावा, अशा मागण्यांसाठी ही बैठक आयोजित करण्यात आली होती. सरकारच्या धोरणांविरोधात उपस्थितांनी तीव्र नाराजी व्यक्त केली..Onion Farmers Issue: कांद्याच्या प्रश्नावर ठोस तोडगा नाही.बैठकीत खेड तालुक्यातील शेतकरी संघटनेचे नेते सुभाष पवळे भाषण करीत असताना त्यांनी काही राजकीय नेत्यांचा उल्लेख केला. त्यावर शेतकरी संघटनेचे नेते प्रभाकर बांगर यांनी आक्षेप घेत भाषण थांबविण्याचा प्रयत्न केला. यामुळे दोन्ही नेत्यांमध्ये शाब्दिक चकमक उडाली आणि वातावरण काही काळ तणावपूर्ण झाले..खेड कृषी उत्पन्न बाजार समितीचे सभापती विजय शिंदे यांनी वाद शमविण्याचा प्रयत्न केला. मात्र परिस्थिती चिघळत असल्याने पोलिसांना हस्तक्षेप करावा लागला. पोलिसांनी मध्यस्थी करून वाद निवळविला. .Onion Prices Demand: कांद्याला पंधराशेऐवजी तीन हजार रुपयांचा दर द्यावा : हर्षवर्धन सपकाळ .या घटनेनंतर ही बैठक शेतकऱ्यांच्या प्रश्नांवर उपाययोजना शोधण्यासाठी होती, की राजकीय शक्तिप्रदर्शनासाठी, असा सवाल उपस्थितांकडून करण्यात आला. बैठकीला खेडचे आमदार बाबाजी काळे, तसेच आंबेगाव तालुक्यातील राष्ट्रवादी काँग्रेसचे (शरद पवार) नेते देवदत्त निकम उपस्थित होते. .दरम्यान, शिवसेना (ठाकरे) गटाचे उपनेते आमदार सचिन अहीर यांनी चाकण येथील कांदा आंदोलनाला भेट दिली. यावेळी ते म्हणाले,‘‘ कांद्याचे दर पडण्यास केंद्र आणि राज्य सरकार कारणीभूत आहे. कांद्याला चांगले दर मिळत असताना, अचानक निर्यातबंदी करायची, नंतर शेतकरी आंदोलने सुरू झाल्यावर हमीभावाची घोषणा करायची. मात्र त्याची अंमलबजावणी करायची नाही, अशी सरकारची धोरणे आहेत. यामुळे शेतकरी अडचणीत आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
