Relief For Onion Farmers News Updates: कांद्याच्या भावात घसरण झाल्याने राज्यातील उत्पादक शेतकऱ्यांना मोठ्या आर्थिक नुकसानीला सामोरे जावे लागत आहे. या पार्श्वभूमीवर राज्य सरकारने महत्त्वाचा निर्णय घेतला आहे. कांदा बाजारभावातील घसरण व कांद्याबाबत सर्वंकष तातडीच्या आणि दीर्घकालीन उपाययोजनांचा अभ्यास करुन शासनास शिफारस करण्यासाठी सचिव स्तरीय समिती गठित केली आहे. वित्त विभागाचे अपर मुख्य सचिव (वित्तीय सुधारणा) या समितीचे अध्यक्ष आहेत. तर त्यात चार सदस्यांचा समावेश आहे. याबाबतचा शासन निर्णय सहकार, पणन विभागाने गुरुवारी (दि.२३ एप्रिल) जारी केला. .कांदा पिकविणाऱ्या राज्यांपैकी क्षेत्र आणि उत्पादनाच्या बाबतीत महाराष्ट्र अग्रेसर आहे. राज्यात नाशिक, पुणे, अहमदनगर, सोलापूर, सातारा, जळगाव आणि धुळे हे जिल्हे कांदा उत्पादनात आघाडीवर आहेत. देशातील एकूण कांदा उत्पादनाच्या ४० ते ५० टक्के उत्पादन महाराष्ट्रात घेण्यात येते..APMC Onion Update: सटाण्यात व्यापाऱ्यांनी लिलाव बंद पाडल्याने शेतकरी संतप्त.महाराष्ट्र राज्य कांदा उत्पादनात अग्रेसर असूनही कांदा उत्पादक शेतकऱ्यांना अनेक आव्हानांचा सामना करावा लागतो. त्यामध्ये कांद्याच्या दरातील घसरण, साठवणुकीबाबतच्या समस्या, पायाभूत सुविधांचा अभाव, केंद्र शासनाचे कांदा निर्यात धोरण याबाबींचा समावेश होतो. त्याअनुषंगाने सविस्तर चर्चा करण्यासाठी मुंबई येथे विधानभवनात मुख्यमंत्री देवेंद्र फडणवीस अध्यक्षतेखाली २५ मार्च २०२६ रोजी कांदा आढावा बैठक घेण्यात आली होती..या बैठकीत चर्चेअंती घेण्यात आलेल्या निर्णयानुसार राज्यातील कांदा उत्पादक शेतकऱ्यांसाठी तातडीच्या आणि दीर्घकालीन उपाययोजना सूचविण्यासाठी सचिव स्तरावर समिती गठित करण्याची बाब शासनाच्या विचाराधीन होती. त्यानुसार निर्णय घेण्यात आला आहे. .Onion Harvesting: कांदा काढणीला सुरुवात,बाजारात आवकही चांगली.कांदा भाव घसरणीची कारणमीमांसा करणार ही समिती कांदा भाव घसरणीच्या परिस्थितीची कारणमीमांसा करणार आहे. तसेच कांदा पीक, दरात घसरण आणि निर्यातीसाठी उपाययोजना सूचवणार आहे. दीर्घकालीन उपाययोजनांमध्ये प्रामुख्याने पीक विविधता संदर्भात राबवायच्या योजनेचा समावेश असेल, असे शासन निर्णयात नमूद केले आहे. .कांद्याचे भाव घसरलेमध्यपूर्वेतील संघर्षाचा परिणाम शेतमाल बाजारात दिसून येत आहे. कांद्याच्या निर्यातीत घट झाल्याने देशांतर्गत बाजारात कांद्याची आवक वाढली आहे. परिणामी भाव घसरले आहेत. देशातील सर्वात मोठी कांद्याची बाजारपेठ असलेल्या लासलगाव कृषी उत्पन्न बाजार समितीत कांद्याचा दर प्रतिक्विंटल १ हजार रुपयांपर्यंत खाली आला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
